भारतीय क्रिकेट संघाचा माजी क्रिकेटर शिखर धवन याने आपल्या आयुष्याच्या नव्या इनिंगची सुरुवात केली आहे. घटस्फोटानंतर आयुष्यात आलेली आयरिश ब्युटी सोफी शाइनसोबत त्याने लग्नगाठ बांधली.
शिखर आणि सोफीचे लग्नाचे फोटो व्हायरल होत असताना आता धवनने आपल्या ब्युटीफुल वाइफसोबतचे रिसेप्शन पार्टीतील काही खास फोटो सोशल मीडियाच्या माध्यमातून शेअर केले आहेत.
'मेरे दिल विच हम तुम...' या खास कॅप्शनसह शिखर धवन याने सोफीसोबतचे खास फोटो शेअर केले आहेत.
या फोटोत शिखर धवनचा क्लासिक ब्लॅक सूटमधील रॉयल अंदाज आणि सोफीनं फिकट गुलाबी लेहेंग्यातील लूकसह दोघांच्यातील केमिस्ट्रीची खास झलक पाहायला मिळते.
आऐशा मुखर्जीसोबत घटस्फोट घेतल्यानंतर सोफीच्या रुपात शिखर धवनच्या रुपात नव्या प्रेमाची एन्ट्री झाली. दोघेही सोशल मीडियाच्या माध्यमातून सातत्याने एकमेकांवरील प्रेम व्यक्त करून देताना दिसून आले होते.
साखरपुडा आणि लग्नाच्या फोटोनंतर रिसेप्शन पार्टीतील दोघांचे फोटो सोशल मीडियावर चर्चेचा विषय ठरत आहेत.
शिखर धवनची दुसरी पत्नी सोफीनंही इन्स्टास्टोरीच्या माध्यमातून रिसेप्शनसाठी नटलेले काही खास फोटो शेअर केले आहेत.
सोफी शिखर धवनसाठी चीअर लीडर झाल्याचेही पाहायला मिळाले होते. गब्बरनंही आपल्या ब्युटीवर भर मैदानात प्रेम व्यक्त करून नात्यातील गोडवा दाखवून दिला होता.