नाणेफेकीचा कौल बाजूने लागूनही पाकिस्तानने गोलंदाजीचा निर्णय घेतला अन् तो त्यांच्या अंगलट आला डेव्हॉन कॉनवे ( ३५) आणि रचिन रवींद्र यांनी पहिल्या विकेटसाठी ६८ धावा जोडल्या. कर्णधार केन विलियम्सन आणि रचिन यांनी पाकिस्तानी गोलंदाजांना रडकुंडीला आणले. या दोघांनी १३३वी धाव घेताच पाकिस्तानविरुद्ध वर्ल्ड कप स्पर्धेत न्यूझीलंडकडून ( कॉलीन ग्रँडहोम व जीमि निशॅम) कोणत्याही विकेटसाठी १३२ धावांच्या भागीदारीचा विक्रम मोडला.
केन वर्ल्ड कपमध्ये न्यूझीलंडकडून सर्वाधिक १०७६* धावांचा विक्रम नावावर केला. त्याने स्टीफन फ्लेमिंगचा ( १०७५) विक्रम मोडला. रचिनने ८९ चेंडूंत त्याचे या वर्ल्ड कपमधील तिसरे शतक झळकावले अन् सचिन तेंडुलकरचा वर्ल्ड रेकॉर्ड मोडला.
क्रिकेट वर्ल्ड कप स्पर्धेच्या एकाच पर्वात ३ किंवा त्यापेक्षा अधिक शतक झळकावणारा तो ८वा फलंदाज आहे आणि पदार्पणात असा पराक्रम करणारा पहिलाच फलंदाज ठरला. रोहित शर्मा ( ५), कुमार संगकारा ( ४), क्विंटन डी कॉक ( ४), रचिन रवींद्र ( ३), मार्क वॉ ( ३), सौरव गांगुली ( ३), मॅथ्यू हेडन ( ३), डेव्हिड वॉर्नर ( ३) यांनी हा पराक्रम केलाय.
रचिन रवींद्रचे हे वन डे वर्ल्ड कप स्पर्धेतील तिसरे शतक आहे आणि असा पराक्रम करणारा तो पहिला फलंदाज आहे. तो अद्याप २३ वर्ष व ३५१ दिवसांचा आहे आणि इतक्या कमीवयात वर्ल्ड कपमध्ये तीन शतक करण्याचा वर्ल्ड रेकॉर्ड त्याने नावावर केला. सचिन तेंडुलकरने ( २२ वर्ष व ३१३ दिवस) पंचवीशीच्या आत २ शतकं झळकावली होती. ौ
न्यूझीलंडकडून वन डे वर्ल्ड कपमध्ये सर्वाधिक ३ शतकांचा विक्रमही रचिनने आज नावावर केला. ग्लेन टर्नर ( १९७५), मार्टीन गुप्तील ( २०१५) आणि केन विलियम्सन ( २०१९) यांना त्याने मागे टाकले.
केन आणि रचिन यांची १४२ चेंडूंत १८० धावांची भागीदारी संपुष्टात आली. केन ७९ चेंडूंत १० चौकार व २ षटकारांच्या मदतीने ९५ धावांवर बाद झाला. पाठोपाठ रचिन रवींद्रही ९४ चेंडूंत १५ चौकार व १ षटकारांच्या सहाय्याने १०८ धावांवर बाद झाला.
वर्ल्ड कपच्या एकाच पर्वात ५०० प्लस धावा करणारा तो दुसरा युवा फलंदाज ठरला. त्याने २३ वर्ष व ३५१ दिवसांचा असताना हा पराक्रम केला, तर सचिन तेंडुलकरने २२ वर्ष व ३२४ दिवसांचा असताना हा पराक्र केला होता. रचिनने आज बाबर आजमला ( ४७४) मागे टाकले.