आयपीएलच्या यंदाच्या हंगामात सर्वाधिक धावा करणाऱ्या फलंदाजांच्या यादीत गुजरात टायटन्सच्या सलामी जोडीचा दबदबा दिसून येतो.
गुजरात टायटन्सचा सलामीवीर साई सुदर्शन याने १३ सामन्यात १५७.८३ च्या सरासरीनं एक शतक आणि ६ अर्धशतकाच्या मदतीने ५५४ धावा केल्या असून तो ऑरेंज कॅपच्या शर्यतीत अव्वलस्थानी आहे.
GT कॅप्टन शुभमन गिल १२ सामन्यातील १२ डावात ५ अर्धशतकाच्या मदतीने १६०.४७ च्या सरासरीसह ५५२ धावा करत या यादीत दुसऱ्या क्रमांकावर आहे.
कॅप्टन्सीच्या रुपात सलग दुसऱ्या हंगामात शुभमन गिलनं ५०० पेक्षा अधिक धावा करण्याचा खास विक्रमही आपल्या नावे केला आहे.
सनरायझर्स हैदराबादचा हेन्रिक क्लासेन याने १२ सामन्यातील १२ डावात १५३ च्या सरासरीसह ५ अर्धशतकाच्या मदतीने ५०८ धावा केल्या आहेत. तो या यादीत तिसऱ्या क्रमांकावर आहे.
मध्यफळीत फलंदाजी करताना तो सलामीवीरांना टक्कर देताना दिसतोय. त्यामुळे ऑरेंज कॅपच्या शर्यतीतील त्याची उपस्थितीत खास आणि लक्षवेधी ठरते.
आरसीबीचा स्टार बॅटर विराट कोहली याने १२ सामन्यातील १२ डावात १ शतक आणि ३ अर्धशतकाच्या मदतीने १६५.७५ च्या सरासरीनं ४८४ धावा केल्या आहेत.
सनरायझर्स हैदराबादचा सलामीवीर अभिषेक शर्मानं १२ सामन्यातील १२ डावात १ शतक आणि ३ अर्धशतकाच्या मदतीने २०९ च्या स्ट्राईक रेटनं ४८१ धावा केल्या आहेत.