Mukul Choudhary Records : IPL मधील नवा फिनिशर! मुकुल चौधरीनं एका डावात दोन विक्रमांसह रचला इतिहास

एक डाव अन् पहिल्या अर्धशतकासह दोन खास विक्रमांना गवसणी

टी २० क्रिकेटमधील अल्प अनुभवी मुकुल चौधरीनं तुफान फटकेबाजीच्या जोरावर कोलकाताच्या ऐतिहासिक ईडन गार्डन्सच्या मैदानात IPL मधील पहिल्या अर्धशतकासह त्याने एका डावात दोन खास विक्रमांना गवसणी घातली.

कोलकाता नाईट रायडर्स विरुद्धच्या सामन्यात LSG च्या संघाला धावांचा पाठलाग करताना अविश्वसनीय विजय मिळवून देताना त्याने २०० च्या स्ट्राईक रेटसह २७ चेंडूत २ चौकार आणि ७ षटकारांच्या मदतीने ५४ धावांची मॅच विनिंग खेळी साकारली.

LSG च्या संघाकडून सातव्या क्रमांकावर फलंदाजी करताना सर्वाधिक ७ षटकार मारणारा तो पहिला फलंदाज ठरला आहे.

मुकुल चौधरीनं सातव्या किंवा त्यापेक्षा खालच्या क्रमांकावर खेळताना सर्वाधिक ७ षटकार मारत ड्वेन ब्रावोच्या खास विक्रमाशी बरोबरी साधली.

फक्त १० टी-२० सामन्याचा अनुभव असलेल्या मुकुल चौधरीनं वादळी अर्धशतकासह LSG च्या संघाकडून फिनिशरच्या रुपात यंदाचा हंगाम गाजवण्याचे संकेत दिले आहेत.

चेन्नई सुपर किंग्सकडून खेळताना ड्वेन ब्रावोनं २०१८ च्या हंगामात मुंबई इंडिन्सविरुद्धच्या सामन्यात सातव्या क्रमांकावर फलंदाजी करताना ३० चेंडूत ६८ धावांची खेळी साकारताना ७ षटकार मारले होते.

मुकुल चौधरी याने दिल्ली कॅपिटल्स विरुद्धच्या सामन्यातून IPL मध्ये पदार्पण केले. या सामन्यात त्याने ११ चेंडूत १४ धावांची खेळी केल होती. सनरायझर्स हैदराबाद विरुद्धच्या सामन्यात ५ चेंडूत २ धावा करून तो नाबाद राहिला होता.

याशिवाय मुकुल चौधरी याने आवेश खानच्या साथीनं आठव्या विकेटसाठी ५४ धावांची भागीदारी रचली. IPL च्या इतिहासात आठव्या किंवा त्यापेक्षा खालच्या क्रमांकावरील ही सर्वोच्च भागीदारी ठरली.