Mumbai Indians will bid for this 7 players इंडियन प्रीमिअर लीगच्या ( Indian Premier League 2021) १४व्या पर्वासाठी होणाऱ्या ऑक्शनमध्ये ८ फ्रँचायझी २९२ खेळाडूंवर बोली लावणार आहेत. आयपीएल २०२१च्या मिनी ऑक्शनसाठीच्या ६१ रिक्त जागांसाठी २९२ खेळाडू शर्यतीत आहेत आणि फ्रँचायझीच्या पर्समध्ये १९६.६ कोटी आहेत.
चेन्नईत गुरुवारी हे ऑक्शन होणार आहे. अर्जुन तेंडुलकर ( Arjun Tendulkar) ही यादीत असल्यानं मुंबई इंडियन्स ( Mumbai Indians) त्याला ताफ्यात घेणार का?; याची सर्वांना उत्सुकता लागली आहे. ऑक्शनपूर्वी मुंबई इंडियन्सनं ( MI) लसिथ मलिंगासह सात खेळाडूंना रिलीज केलं आहे.
मुंबई इंडियन्सनं आयपीएल ऑक्शनपूर्वी लसिथ मलिंगा, मिचेल मॅक्लेघन, जेम्स पॅटीन्सन, नॅथन कोल्टर नायल, शेर्फाने रुथरफोर्ड, प्रिन्स बलवंत राय, दिग्विजय देशमुख या सात खेळाडूंना रिलीज केलं आहे.
लसिथ मलिंगाच्या जागी डेल स्टेन ( परदेशी),लसिथ मलिंगानं व्यावसायिक क्रिकेटमधून निवृत्ती जाहीर केल्यामुळे आता तो आयपीएलमध्ये खेळताना दिसणार नाही. पण, त्याची जागा अनुभवी डेल स्टे घेऊ शकतो.
मिचेल मॅक्लेघन याच्या जागी इंग्लंडचा खेळाडू हॅरी गुर्ने याची निवड केली जाऊ शकते. कोलकाता नाईट रायडर्सनं त्याला रिलीज केलं आहे.
नॅथल कोल्टर नाइलच्या जागी श्रीलंकेचा इसरू उडाना याची निवड होऊ शकते. रॉयल चॅलेंजर्स बंगळुरूकडून खेळताना त्यानं उल्लेखनीय कामगिरी केली आहे.
जेम्स रुदरफोर्डच्या जागी वेस्ट इंडिजच्या किमो पॉलला संधी दिली जाऊ शकते. किमो पॉल अखेरच्या षटकांत चांगली गोलंदाजी करू शकतो.
जेम्स पॅटिन्सन याला पर्याय म्हणून मुंबई इंडियन्स उमेश यादव याचा विचार करण्याची शक्यता अधिक आहे.
दिग्विजय देशमुखच्या जागी २०१७मध्ये पदार्पण करणाऱ्या पृथ्वीराज यर्रे याची निवड होऊ शकते.
बलवंर राय सिंह याच्या जागी किंग्स इलेव्हन पंजाबच्या तेजेंद्र ढिल्लो याचा विचार होण्याची शक्यता आहे.