सूर्या, पांड्या की आफ्रिदी... IND vs PAK सामन्यात 'हे' १० खेळाडू ठरू शकतात 'गेमचेंजर'

10 Players IND vs PAK Asia Cup 2025: दोनही संघात अनेक दमदार खेळाडू आहेत.

10 Players to watch out for in IND vs PAK Asia Cup 2025:

भारत आणि पाकिस्तान यांच्यात आज आशिया कपचा सामना रंगणार आहे. दोन्ही संघांकडे दमदार खेळाडू आहेत. जाणून घेऊया, असे १० खेळाडू जे एकहाती सामना फिरवू शकतात.

अभिषेक शर्मा:

अभिषेकने खेळलेल्या १८ टी-२० आंतरराष्ट्रीय सामन्यांमध्ये त्याने १९३.४९ च्या स्ट्राईक रेटने धावा केल्या आहेत. शाहीन आफ्रिदीशी त्याची लढाई खेळाची दिशा ठरवू शकते.

सूर्यकुमार यादव:

भारतीय संघाचा 'मिस्टर ३६०' म्हणून ओळखल्या जाणाऱ्या सूर्यकुमार यादववर या सामन्यात मोठी जबाबदारी असेल. मधल्या षटकांमध्ये त्याचा खेळ भारताची सर्वात मोठी ताकद असेल.

कुलदीप यादव:

हा चायनामन गोलंदाज मधल्या षटकांमध्ये पाकिस्तानी फलंदाजांवर मात करू शकतो. दीर्घ विश्रांतीनंतर संधी मिळाल्यावर यूएईविरुद्ध त्याने आपली छाप सोडत चार विकेट घेतल्या.

जसप्रीत बुमराह:

बुमराहचे यॉर्कर आणि अचूक गोलंदाजी पाकिस्तानी फलंदाजांना नक्कीच त्रास देईल. बुमराह पॉवरप्ले आणि डेथ ओव्हर्समध्ये भल्याभल्यांना घाम फोडू शकतो यात दुमत नाही.

हार्दिक पांड्या:

हा अष्टपैलू खेळाडू संघात नवीन उत्साह निर्माण करतो. हार्दिकने पाकिस्तानविरुद्धच्या त्याच्या अष्टपैलू कामगिरीने आधीही अनेकदा सामन्याचे चित्र पालटून टाकलेले आहे.

शाहीन आफ्रिदी:

हा वेगवान गोलंदाज नवीन चेंडूने भारतासाठी सर्वात मोठा धोका ठरू शकतो. त्याचे मुख्य ध्येय अभिषेक आणि गिलसारख्या भारतीय सलामीवीरांना लवकर बाद करणे असेल.

सॅम अयुब:

हा पाकिस्तानी सलामीवीर पॉवरप्लेमध्ये भारतीय गोलंदाजांसाठी डोकेदुखी ठरू शकतो. अयुब हा सुरुवातीपासूनच आक्रमक क्रिकेट खेळण्यासाठी ओळखला जातो.

मोहम्मद हारिस:

ओमानविरुद्धच्या सामन्यात पाकिस्तानी संघाला सावरणारा मोहम्मद हरिस भारताविरूद्धही जलद धावा करू शकतो. तो खेळला तर पाकिस्तानचा स्कोअर वेगाने वाढू शकतो.

सलमान अली आगा:

अनुभवी फलंदाज आणि संघाचा कर्णधार सलमान आगा फिनिशरची भूमिका बजावू शकतो. तसेच, तो एक उत्तम पार्ट-टाइम स्पिनर देखील आहे, जो झटपट ओव्हर्स टाकू शकतो.

सुफियान मुकीम:

हा चायनामन गोलंदाज आशिया कपमध्ये पाकिस्तानसाठी एक्स-फॅक्टर मानला जात आहे. त्याची फिरकी भारतीय फलंदाजांविरुद्ध खेळाचा मूड बदलू शकते.