Shivam Dube Record : शिवम दुबेचा मोठा पराक्रम! हार्दिक पांड्यासह युवराज सिंगचा विक्रमही मोडला

एक नजर शिवम दुबेनं आपल्या नावे केलेल्या खास रेकॉर्डवर...

टी-२० वर्ल्ड कप स्पर्धेतील साखळी फेरीतील नेदरलँड्सविरुद्धच्या अखेरच्या सामन्यात भारतीय संघाकडून शिवम दुबेनं धमाकेदार कामगिरी केली.

शिवम दुबेनं नेदरलँड्सविरुद्धच्या सामन्यात ३१ चेंडूत ६ षटकार आणि ४ चौकाराच्या मदतीने ६६ धावांची धमाकेदार खेळी साकारली. टी-२० वर्ल्ड कप स्पर्धेतील पहिले अर्धशतक झळकावताना त्याने आपल्या छोट्या फॉरमॅटमधील कारकिर्दीत केलेली ही सर्वोच्च खेळी ठरली.

टी-२० कारकिर्दीतील आपल्या सर्वोच्च कामगिरीसह त्याने हार्दिक पांड्या आणि युवराज सिंग यासारख्या दिग्गजांना मागे टाकत खास विक्रमालाही गवसणी घातली आहे.

आंतरराष्ट्रीय टी-२० क्रिकेट सामन्यात पाचव्या किंवा त्यापेक्षा खालच्या क्रमांकावर फलंदाजी करताना ६६ धावांच्या खेळीसह सर्वोच्च धावा करण्याचा विक्रम आता शिवम दुबेच्या नावे झाला आहे.

भारतीय संघ अडचणीत असताना पाचव्या क्रमांकावर फलंदाजीला आल्यावर शिवम दुबेनं तुफान फटकेबाजीचा नजराणा पेश करताना भारताकडून लोअर मिडल ऑर्डरमध्ये सर्वोच्च धावसंख्येचा विक्रम आपल्या नावे केला.

याआधी हा विक्रम हार्दिक पांड्याच्या नावे होता. २०२२ च्या टी-२० वर्ल्ड कप स्पर्धेत इंग्लंडविरुद्धच्या सामन्यात हार्दिक पांड्याने पाचव्या क्रमांकावर फलंदाजी करताना ३३ चेंडूत ४ चौकार आणि ५ षटकारांच्या मदतीने ६३ धावा केल्याचा रेकॉर्ड आहे.

या यादीत युवराज सिंग तिसऱ्या स्थानी आहे. २००७ च्या टी-२० वर्ल्ड कप स्पर्धेत युवीनं सर्वात जलद अर्धशतक झळकावताना पाचव्या क्रमांकावर फलंदाजी करताना १६ चेंडूत ५८ धावा कुटल्या होत्या.

याच हंगामात नामिबियाच्या लढतीत हार्दिक पांड्याने पाचव्या क्रमांकावर २८ चेंडूत ५२ धावांची खेळी केल्याचे पाहायला मिळाले होते.

शिवम दुबेनं नेदरलँड्स विरुद्धच्या सामन्यात फलंदाजीतील धमाकेदार शोनंतर गोलंदाजीतही धमक दाखवली. ३ षटकात ३५ धावा खर्च करत त्याने ७ विकेट्स घेतल्या.