कोरोना व्हायरसशी संपूर्ण जग लढा देत असताना पाकिस्तानी खेळाडू आजही भारताचे पंतप्रधान नरेंद्र मोदींवर टीका करण्याची एकही संधी सोडताना दिसत नाही.
जोपर्यंत मोदी पंतप्रधान आहेत, तो पर्यंत भारत-पाकिस्तान क्रिकेट मालिका होणे अशक्य, असे विधान पाकिस्तानचा माजी अष्टपैलू खेळाडू शाहिद आफ्रिदीनं केलं होतं.
पाकिस्तानचा माजी गोलंदाज शोएब अख्तरचं काही वेगळंच म्हणणं आहे. रविवारी त्यानं पोस्ट केलेल्या एका व्हिडीओतून पंतप्रधान मोदींबद्दल मोठं विधान केलं.
कोरोना व्हायरसचा मुकाबला करण्यासाठी निधी गोळा करण्यासाठी दोन्ही देशांमध्ये क्रिकेट मालिकेचे आयोजन करावे, असा प्रस्ताव अख्तरनं ठेवला होता.
भारत-पाकिस्तान यांच्यात तीन वन डे सामन्यांची मालिका खेळवावी आणि त्यातून उभा राहणारा निधी दोन्ही देशांत समसमान वाटावा, असं अख्तरचं म्हणणं होतं.
भारत-पाकिस्तान क्रिकेट मालिकेवर अख्तरनं पुन्हा एकदा भाष्य केले. तो म्हणाला,''भारत आणि पाकिस्तान सासू-सुनासारखे रुसले आहेत. चर्चेने सर्व प्रश्न सोडवले जातील, परंतु त्यासाठी कोणीच तयार नाही.''
या कालावधीत अख्तरनं भारताने पाकिस्तानला मदत करावी असं आवाहनही केलं होतं. त्यानं भारताकडे 10 हजार व्हेंटिलेटर बनवून देण्याची विनंती केली होती.
पाकिस्तानी गोलंदाजानं रविवारी मोदींचे कौतुक केले. तो म्हणाला,''कोरोना व्हायरसशी मुकाबला करण्यासाठी नरेंद्र मोदींनी योग्य वेळी योग्य पाऊल उचलले. भारतानं लॉकडाऊनचा घेततेला निर्णय योग्यच आहे.''
भारत-पाकिस्तान क्रिकेट मालिकेवर अख्तरनं पुन्हा एकदा भाष्य केले. तो म्हणाला,''भारत आणि पाकिस्तान सासू-सुनासारखे रुसले आहेत. चर्चेने सर्व प्रश्न सोडवले जातील, परंतु त्यासाठी कोणीच तयार नाही.''