मुंबई : इंडियन प्रीमिअर लीगच्या व्यग्र वेळापत्रकानंतर भारतीय संघाचा कर्णधार विराट कोहली सध्या सुट्टीवर आहे. इंग्लंडमध्ये होणाऱ्या वर्ल्ड कप स्पर्धेपूर्वी भारतीय संघातील बरेच खेळाडू पर्यटनासाठी गेलेले आहेत. याची माहिती ते सोशल मीडियावरून देत आहेत. कोहलीनंही त्याच्या सुट्टीवरील एक फोटो इंस्टाग्रामवर शेअर केला आणि त्यावरुन भारताचा अष्टपैलू खेळाडू युवराज सिंगने कॅप्टनची फिरकी घेतली.
कोहलीनं फोटो पोस्ट करून आपण कोणत्या शहरात आहोत, असा प्रश्न विचरला. त्यावरून युवीनं कोहलीला ट्रोल केलं. हे कोटकापूरा तर नाही ना? हरभजन सिंग तुला काय वाटतं? असा प्रतीसवाल युवीनं केला. कोटकापूरा हे पंजाबमधील एक शहर आहे.
![]()
आयपीएलमध्ये युवराजनं मुंबई इंडियन्सकडून खेळताना चांगली कामगिरी केली. त्याला चारच सामन्यांत मुंबई इंडियन्सचे प्रतिनिधित्व करण्याची संधी मिळाली आणि त्यात त्यानं अर्धशतकी खेळी केली. दुसरीकडे कोहलीच्या रॉयल चॅलेंजर्स बंगळुरूला पुन्हा एकदा प्ले ऑफमध्ये प्रवेश करण्यात अपयश आले. त्याचा संघ तळावर राहिला. कोहलीनं 14 सामन्यांत 33.14 सरासरीनं 464 धावा केल्या.
