पाकिस्तानचा माजी गोलंदाज वकार युनूस याला लॉकडाऊनच्या काळात वेगळ्याच मनस्तापाला सामोरे जावे लागत आहे. ट्विटर अकाऊंट हॅकरने हॅक केले असून त्यावरून पॉर्न क्लिप व्हायरल केल्याचा आरोप पाकिस्तानी गोलंदाजानं केला. युनूसच्या ट्विटर अकाऊंटवरून पॉर्न क्लिप व्हायरल झाल्यामुळे ट्विटरवर #waqaryounis ट्रेंड सुरू होता. युनूसनं या सर्व क्लिप डिलिट केल्या आहेत आणि आता सोशल मीडियापासून लांब राहण्याचा निर्णय त्यानं घेतला आहे.
टीम इंडियाच्या माजी खेळाडूचा अपघात; गाडीची अवस्था पाहून उडेल थरकाप!
या क्लिप डिलिट केल्यानंतर यनूसनं 7 मिनिटांचा व्हिडीओ पोस्ट केला आणि त्यात त्यानं सर्व प्रकार समजावण्याचा प्रयत्न केला. त्यात त्यानं पुन्हा सोशल मीडियावर दिसणार नसल्याचे सांगितले. अकाऊंट हॅक होण्याची ही पहिली वेळ नसल्याचे युनूसनं स्पष्ट केलं. युनूसनं व्हिडीओत म्हटलं की,''सकाळी उठल्यानंतर मला हे समजलं की ट्विटर हँडल हॅक झाला आहे. तुम्हा सर्वांना त्यामुळे झालेल्या मनस्तापाची मी माफी मागतो.''