Vijay Hazare Trophy 2025-26 Points Table : रोहित-विराटच्या संघासह कोणता संघ कितव्या स्थानी? जाणून घ्या सविस्तर

एकूण ३८ संघांचा सहभाग असलेल्या या स्पर्धेत एलिट गटातील सहा संघ आणि प्लेट गटातील एक संघ पहिल्या तीन फेरीनंतर अपराजित असल्याचे पाहायला मिळाले आहे.

Vijay Hazare Trophy 2025-26 Points Table : भारतीय देशांतर्गत क्रिकेटमधील प्रतिष्ठित विजय हजारे ट्रॉफी स्पर्धेतील २०२५–२६ च्या हंगामात अनेक स्टार क्रिकेटरचा जलवा पाहायला मिळत आहे. रोहित शर्मा आणि विराट कोहली या स्पर्धेत खेळताना दिसल्यामुळे ही स्पर्धा अधिक चर्चेत राहिली. एकूण ३८ संघांचा सहभाग असलेल्या या स्पर्धेत एलिट गटातील सहा संघ आणि प्लेट गटातील एक संघ पहिल्या तीन फेरीनंतर अपराजित असल्याचे पाहायला मिळाले आहे. इथं एक नजर टाकुयात गुणतालिकेत रोहित-विराच्या संघासह  कोणता संघ कोणत्या स्थानी आहे त्यासंदर्भातील सविस्तर माहिती 

 'लोकमत'चं WhatsApp चॅनल फॉलो करा! 

गट अ (Group A) मध्ये मध्य प्रदेशने सलग तीन सामने जिंकत अव्वल स्थान पटकावले आहे. कर्नाटकनेही पहिल्या तिन्ही लढती जिंकल्या असून नेट रनरेटमध्ये हा संघ दुसऱ्या स्थानावर आहे. झारखंड आठ गुणांसह तिसऱ्या क्रमांकावर आहे. या स्पर्धेतील एक लक्षवेधी सामना झारखंड आणि कर्नाटक यांच्यात झाला. या सामन्यात झारखंडने तब्बल ४१२ धावा केल्या. कर्णधार ईशान किशनने अवघ्या ३३ चेंडूत शतक झळकावले. प्रत्युत्तरात कर्नाटकने देवदत्त पडिक्कलच्या शतकाच्या जोरावर विक्रमी धावसंख्या गाठत सामना जिंकला होता.

न्यूझीलंडविरुद्ध होणाऱ्या एकदिवसीय मालिकेपूर्वी विराटने घेतला मोठा निर्णय, आता...

गट ब (Group B) मध्ये उत्तर प्रदेशने हैदराबाद, चंदीगड आणि बडोदा यांचा पराभव करत १२ गुणांसह अव्वल स्थान मिळवले आहे. तीन सामन्यांनंतर उत्तर प्रदेश हा या गटातील एकमेव अपराजित संघ आहे.

गट क (Group C) मध्ये मुंबई आणि गोवा हे दोन्ही संघ अपराजित आहेत. उत्तम नेट रनरेटमुळे मुंबई अव्वल स्थानी आहे, तर गोवा तीन विजयांसह दुसऱ्या स्थानावर आहे.

गट ड (Group D) मध्ये दिल्लीने सलग तीन सामने जिंकत अव्वल स्थान पटकावले आहे. दिल्लीने आंध्र प्रदेश, गुजरात आणि सौराष्ट्र यांचा पराभव करून आपली अपराजित कामगिरी कायम राखली आहे.

प्लेट गटात, बिहार संघाने दमदार कामगिरी सुरूच ठेवली आहे. तीन सामन्यांत तीन विजयांसह १२ गुण मिळवत बिहार हा एकमेव अपराजित संघ ठरला आहे.

क्रमांक	संघ	सामने	विजय	पराभव	NRR	गुण
१	मध्य प्रदेश (MP)	३	३	०	+१.०१७	१२
२	कर्नाटक (KAR)	३	३	०	+०.३७०	१२
३	झारखंड (JHA)	३	२	१	+१.२६८	८
४	त्रिपुरा (TRI)	३	२	१	+०.०४४	८
५	केरळ (KER)	३	१	२	+०.५९४	४
६	तामिळनाडू (TN)	३	१	२	+०.४९५	४
७	राजस्थान (RAJ)	३	०	३	−१.५८७	०
८	पुद्दुचेरी (PUD)	३	०	३	−२.२९७	०

 

क्रमांक	संघ	सामने	विजय	पराभव	NRR	गुण
१	उत्तर प्रदेश (UP)	३	३	०	+२.४३३	१२
२	जम्मू-काश्मीर (JAM)	३	२	१	+१.४२३	८
३	विदर्भ (VID)	३	२	१	+०.६३४	८
४	बडोदा (BAR)	३	२	१	+०.१९८	८
५	बंगाल (BEN)	३	२	१	−०.३५७	८
६	आसाम (ASM)	३	१	२	−१.०००	४
७	हैदराबाद (HYD)	३	०	३	−१.२०२	०
८	चंदीगड (CHN)	३	०	३	−२.२०७	०

 

क्रमांक	संघ	सामने	विजय	पराभव	NRR	गुण
१	मुंबई (MUM)	३	३	०	+२.४२७	१२
२	गोवा (GOA)	३	३	०	+०.६९७	१२
३	हिमाचल प्रदेश (HIM)	३	२	१	+०.६२७	८
४	पंजाब (PUN)	३	२	१	+०.५७३	८
५	महाराष्ट्र (MAH)	३	१	२	+०.९२२	४
६	उत्तराखंड (UT)	३	१	२	−०.८९१	४
७	छत्तीसगड (CHA)	३	०	३	−१.५४१	०
८	सिक्कीम (SIK)	३	०	३	−२.८७६	०

 

क्रमांक	संघ	सामने	विजय	पराभव	NRR	गुण
१	दिल्ली (DEL)	३	३	०	+०.६४४	१२
२	ओडिशा (ODS)	३	२	१	+१.१४४	८
३	रेल्वे (RAI)	३	२	१	+०.६१०	८
४	हरियाणा (HAR)	३	२	१	+०.३७३	८
५	गुजरात (GCC)	३	१	२	+०.३१५	४
६	सौराष्ट्र (SAU)	३	१	२	−०.५०८	४
७	आंध्र प्रदेश (AP)	३	१	२	−०.५४७	४
८	सर्व्हिसेस (SER)	३	०	३	−२.१४५	०

 

क्रमांक	संघ	सामने	विजय	पराभव	NRR	गुण
१	बिहार (BIH)	३	३	०	+३.७१६	१२
२	नागालँड (NAG)	३	२	१	+१.६९३	८
३	मणिपूर (MAN)	३	२	१	+०.०८०	८
४	मेघालय (MEG)	३	१	२	−०.५७६	४
५	अरुणाचल प्रदेश (AP)	३	१	२	−२.६०६	४
६	मिझोराम (MIZ)	३	०	३	−१.९४०	०