U19 World Cup 2026: न्यूझीलंडविरुद्ध वैभव सूर्यवंशीला खुणावतोय 'हा' विक्रम; गिलला मागे टाकण्याची संधी

इथं जाणून घेऊयात त्याला खुणावत असलेल्या खास विक्रमासंदर्भातील सविस्तर

Vaibhav Suryavanshi Eyes On Shubman Gill Record : आयुष म्हात्रेच्या नेतृत्वाखालील भारतीय संघ सध्या १९ वर्षांखालील विश्वचषक स्पर्धेच्या मोहिमेवर आहे. या स्पर्धेतील सलग दोन सामन्यातील लढतीनंतर साखळी फेरीतील तिसऱ्या आणि अखेरच्या सामन्यात भारतीय संघ न्यूझीलंडच्या १९ वर्षांखालील संघाला भिडणार आहे. शनिवारी रंगणाऱ्या या सामन्यात भारताचा १४ वर्षीय स्फोटक बॅटर वैभव सूर्यवंशीवर सर्वांच्या नजरा असतील. या सामन्यात तो एका डावात गिलसह सरफराज खान या स्टार क्रिकेटपटूंना  मागे टाकू शकते.  इथं जाणून घेऊयात त्याला खुणावत असलेल्या खास विक्रमासंदर्भातील सविस्तर

 'लोकमत'चं WhatsApp चॅनल फॉलो करा! 

वैभव सूर्यवंशीला खुणावतोय हा विक्रम, गिलसह सरफराज मागे पडणार? 

U19 विश्वचषक स्पर्धेतील भारत-न्यूझीलंड यांच्यातील सामना बुलावेयो येथील क्वीन्स स्पोर्ट्स क्लबच्या मैदानावर खेळवला जाणार आहे. या सामन्यात वैभव सूर्यवंशीला यूथ वनडेत सर्वाधिक धावा करणाऱ्या खेळाडूंच्या यादीत शुभमन गिल आणि सरफराज खान या  स्टार क्रिकेटर्संना मागे टाकण्याचा डाव साधण्याची संधी असेल.  

T20 World Cup 2026: बांगलादेश टी-२० विश्वचषकात सहभागी न झाल्यास भारताचे किती नुकसान होईल?

यूथ वनडेमधील सर्वाधिक धावा करणाऱ्या भारतीय फलंदाजांच्या यादीत वैभव सूर्यवंशी हा सध्याच्या घडीला सहाव्या स्थानावर आहे.  न्यूझीलंडविरुद्ध ३१ धावा करताच तो सरफराज खानला मागे टाकत वैभव टॉप ५ मध्ये एन्ट्री मारेल. शतकी डाव साधताच तो गिलला मागे टाकेल. 

यूथ वनडेमधील सर्वाधिक धावा करणारे भारतीय फलंदाज

• यूथ वनडेमधील सर्वाधिक धावा करणारे भारतीय फलंदाज
• विजय झोल - १४०४ धावा
• यशस्वी जैस्वाल -१३८६ धावा
• तन्मय श्रीवास्तव- १३१६ धावा
• शुभमन गिल / उन्मुक्त चंद - ११४९ धावा
• सरफराज खान -  १०८० धावा
• वैभव सूर्यवंशी - १०५० धावा 

यंदाच्या स्पर्धेतील वैभव सूर्यवंशीची कामगिरी

विराट कोहली - ९७८ धावाअमेरिकेविरुद्धच्या पहिल्या सामन्यात वैभव सूर्यवंशी ४ चेंडूत फक्त २ धावा करून बाद झाला होता. पण या सामन्यात त्याने सर्वात कमी वयात अंडर १९ वर्ल्ड कप स्पर्धेत खेळण्याचा खास विक्रम आपल्या नावे केला. बांगलादेशविरुद्धच्या दुसऱ्या सामन्यात त्याने ६७ चेंडूत ७२ धावांची खेळी केली होती. तिसऱ्या सामन्यात शतकी खेळीसह तो एका डावात गिलसह तिघांना मागे टाकणार का? ते पाहण्याजोगे असेल.