कोलकाता : कोणाबरोबर कधी काय होईल, हे सांगता येत नाही. आता भारताचा माजी कर्णधार महेंद्रसिंग धोनीचेच उदाहरण घ्या ना. कोलकाता एअरपोर्टवर धोनीबरोबर अशी एक घटना घडली की, त्याला आपल्या सामानालाही हात लावायला दिले नाही.
धोनी एका खासगी कामासाठी दिल्लीहून कोलकाता येथे जात होता. धोनी दिल्लीहून कोलकाता येथे नेताजी सुभाषचंद्र बोस विमानतळावर उतरला. त्यानंतर धोनी आपले सामान घेण्यासाठी सरसावला. पण यावेळी धोनीला सामानाला हात लावू दिले नाही.
धोनी सामान घेण्यासाठी उभा होता. त्यावेळी आपली वाटणारी एक बॅग धोनीने उचलली. पण यावेळी एअरपोर्टच्या कर्मचाऱ्यांनी धोनीला ही बॅग घेऊन जायला दिली नाही. कारण धोनीसारखीच बॅग एका प्रवाशाची होती. तो प्रवासी धोनीची बॅग घेऊन निघाला होता. त्यामुळे जेव्हा ही गोष्ट कर्मचाऱ्यांना समजले तेव्हा त्यांनी त्या व्यक्तीशी संपर्क साधला. यासाठी धोनीला काही काळ एअरपोर्टवर थांबून रहावे लागले, असे समजते.