T20 World Cup: बीसीसीआयनं नुकतंच आगामी ट्वेंटी-२० वर्ल्ड कप स्पर्धेसाठी १५ सदस्यीय संघ जाहीर केला. फिरकीपटू आर अश्विन याचे चार वर्षांनंतर ट्वेंटी-२० संघात झालेले पुनरागमन सर्वांना आश्चर्यचकित करणारे ठरले. पण, त्याहीपेक्षा अनेकांना सुखद धक्का बसला तो महेंद्रसिंग धोनी ( MS Dhoni) याच्याकडे मार्गदर्शकाची जबाबदारी सोपवल्याचा... बीसीसीआयच्या या निर्णयाचा अनेकांनी स्वागत केले, पण माजी खेळाडू अजय जडेजा ( Ajay Jadeja) याला धोनीचं पुनरागमन आवडलेलं नाही. 'एका रात्री असं काय घडलं की टीम इंडियाला मार्गदर्शकाची गरज पडली?' असा सवाल त्यानं केला.
IPL 2021 : मुंबई इंडियन्सला प्ले ऑफ प्रवेशासाठी गाळावा लागेल घाम; जाणून घ्या कशी आहे गुणतालिका!
बीसीसीआयचे सचिव जय शाह यांनी सांगितले की,'' महेंद्रसिंग धोनीसोबत मी दुबईत चर्चा केली. ही जबाबदारी पार पाडण्यास त्याची काहीच हरकत नाही आणि ट्वेंटी-२० वर्ल्ड कप स्पर्धेत टीम इंडियाचा मेंटॉर म्हणून काम पाहण्यात तो तयार आहे. याबाबत मी कर्णधार विराट कोहली, उप कर्णधार रोहित शर्मा आणि मुख्य प्रशिक्षक रवी शास्त्री यांच्यासोबतही बोललो आणि त्यांनाही हा निर्णय पटलेला आहे.''