ट्वेंटी-२० वर्ल्ड कप स्पर्धेतील श्रीलंका विरुद्ध नेपाळ यांच्यातला ११ जूनचा सामना पावसामुळे रद्द करावा लागला, जो फ्लोरिडा येथे होणार आहे. अशीच परिस्थिती अमेरिका विरुद्ध आयर्लंड ( १४ जून), भारत विरुद्ध कॅनडा ( १५ जून) आणि पाकिस्तान विरुद्ध आयर्लंड ( १६ जून) यांच्या सामन्यात पाहायला मिळण्याची शक्यता बळावली आहे. फ्लोरिडातील मियामी शहरात पूर सदृश्य परिस्थिती निर्माण झाली आहे आणि येथे पूर आणीबाणी जाहीर केल्याचा दावा करण्यात आला आहे.
ट्वेंटी-२० वर्ल्ड कप स्पर्धेच्या अ गटातील उर्वरित सामने फ्लोरिडाच्या लौडेरहिल येथे होणार आहेत. हे शहर मियामीपासून ३० माईल्स अंतरावर आहे आणि त्यामुळे या पूर परिस्थितीचा फटका येथेही बसणे साहजिक आहे. १४ जूनला होणाऱ्या आयर्लंड विरुद्ध अमेरिका या सामन्यात सोसाट्याच्या वाऱ्यासह मुसळधार पावसाची शक्यता १०० टक्के वर्तवली जात आहे. त्यामुळे हा सामना रद्द होण्याच्या मार्गावर आहे.