बंगळुरू: टी-२० विश्वचषकाच्या दुसऱ्या उपांत्य फेरीत भारत आणि इंग्लंड यांच्यात वानखेडे स्टेडियमवर जोरदार टक्कर होणार आहे. या पार्श्वभूमीवर माजी कर्णधार सुनील गावसकर यांनी भारतीय रणनीतीबद्दल महत्त्वाचे विधान केले आहे. "भारतीय संघाने जसप्रीत बुमराहला पॉवरप्लेमध्ये किमान दोन षटके द्यावीत, जेणेकरून जोस बटलर आणि फिल सॉल्ट यांसारख्या स्फोटक फलंदाजांना सुरुवातीलाच तंबूत पाठवता येईल," असा सल्ला गावसकरांनी दिला आहे.
बुमराह विरुद्ध ब्रूक: गावसकरांच्या मते, या सामन्याचा निकाल हॅरी ब्रूक आणि जसप्रीत बुमराह यांच्यातील संघर्षावर अवलंबून असेल. बुमराहच्या स्विंगमुळे तो सुरुवातीच्या षटकांमध्ये अधिक धोकादायक ठरू शकतो.
पॉवरप्लेचा वापर: सहसा बुमराह पॉवरप्लेमध्ये एकच षटक टाकतो. मात्र, गावसकर म्हणतात, "चार षटकांनंतर बुमराहला चेंडू सोपविण्यात अर्थ नाही, कारण तोपर्यंत फलंदाज सेट झालेले असतात. त्याने नवीन चेंडूने विकेट्स घेतल्यास भारताचे पारडे जड राहील."
बटलरचा धोका: जोस बटलर सध्या खराब फॉर्ममध्ये असला तरी तो अभिषेक शर्मासारखाच स्फोटक आहे. आयपीएलच्या अनुभवामुळे इंग्लंडचे खेळाडू भारतीय परिस्थितीशी परिचित आहेत, त्यामुळे त्यांना हलक्यात घेऊन चालणार नाही.
तिलक वर्माची स्तुती: गावसकरांनी युवा फलंदाज तिलक वर्माचेही कौतुक केले. तिलक हा एक समंजस क्रिकेटपटू असून तो कोणत्याही क्रमांकावर परिस्थितीनुसार फलंदाजी करण्यास सक्षम असल्याचे त्यांनी नमूद केले.
ऐतिहासिक पार्श्वभूमी:
२०२२ मध्ये ॲडिलेडमध्ये इंग्लंडने भारताचा १० गडी राखून पराभव केला होता, तर २०२४ मध्ये भारताने त्या पराभवाचा बदला घेतला होता. आता वानखेडेवर होणाऱ्या या लढतीत कोणता संघ फायनलमध्ये धडक मारणार, याकडे सर्वांचे लक्ष लागले आहे.
Web Summary : Gavaskar advises India to use Bumrah for two powerplay overs to dismiss dangerous English batsmen early. He highlights the importance of Bumrah vs. Brook and praises Tilak Varma's adaptability. All eyes are on the India-England semi-final clash.
Web Summary : गावस्कर ने भारत को खतरनाक इंग्लिश बल्लेबाजों को जल्दी आउट करने के लिए बुमराह का पावरप्ले में उपयोग करने की सलाह दी। उन्होंने बुमराह बनाम ब्रूक के महत्व पर प्रकाश डाला और तिलक वर्मा की अनुकूलन क्षमता की प्रशंसा की। सबकी निगाहें भारत-इंग्लैंड सेमीफाइनल मुकाबले पर हैं।