नवी दिल्ली : भारताचा सलामीवीर शिखर धवनची सेलिब्रेशन करण्याची स्टाइल भन्नाट आहे. आपल्या सेलिब्रेशनसाठी धवन चाहत्यांमध्ये प्रसिद्ध आहे. मैदानात फलंदाजी करताना जर धवनने शतक झळकावले तर त्याची दोन्ही हात वर करण्याची निराळी पद्धत आहे. त्याचबरोबर क्षेत्ररक्षण करताना झेल पकडल्यावर धवन कबड्डी स्टाइलमध्ये सेलिब्रेशन करताना दिसतो. पण आता तो चर्चेत आला आहे तो भर रस्त्यावर गाडी थांबवून फ्लाइंग किस दिल्यामुळे.
सध्या भारतीय संघ वेस्ट इंडिजच्या दौऱ्यावर आहे. पण धवन हा भारताच्या संघात नसल्याने तो भारतामध्ये आहे. भारतामध्ये आज सकाळी धवन गाडीतून जात होता. तेव्हा त्याने एका व्यक्तीला फ्लाइंग किस दिल्याचे पाहायला मिळाले. धवन गाडी चालवत असताना रस्त्याच्या कडेला एक मुलगा उभा होता. त्या मुलाला धवनने किस दिल्याचे पाहायला मिळाले.