ढाका : शकिब अल हसनच्या अष्टपैलू कामगिरीच्या जोरावर बांगलादेशने दुसऱ्या ट्वेन्टी-20 लढतीत वेस्ट इंडिजवर 36 धावांनी विजय मिळवला. शकिबने नाबाद 42 धावांची खेळी साकारली, त्याचबरोबर पाच बळी मिळवत सामनावीराचा पुरस्कारही पटकावला.
वेस्ट इंडिजने नाणेफेक जिंकत प्रथम क्षेत्ररक्षण स्वीकारले. या निर्णयाचा चांगलाच फायदा बांगलादेशने उचलला. सलामीवीर लिटॉन दासने 34 चेंडूंत सहा चौकार आणि चार षटकारांच्या जोरावर 60 धावा केल्या. शकिबने 26 चेंडूंत 5 चौकार आणि एका षटकाराच्या जोरावर नाबाद 42 धावा केल्या. या दोघांच्या दमदार फलंदाजीच्या जोरावर बांगलादेशने 211 धावांचा डोंगर उभाररला. या आव्हानाचा पाठलाग करताना वेस्ट इंडिजचा डाव 175 धावांवर संपुष्टात आला.
