IPL 2023, Royal Challengers Bangalore vs Rajasthan Royals Live : विराट कोहली पहिल्याच चेंडूवर बाद झाल्यामुळे स्तब्ध झालेल्या चिन्नास्वामी स्टेडियमवर फॅफ ड्यू प्लेसिस व ग्लेन मॅक्सवेल यांनी प्राण फुंकले. ट्रेंट बोल्टने RCBचे दोन फलंदाज १२ धावांवर माघारी पाठवले. पण, फॅफ व मॅक्सवेल जोडीने RRच्या गोलंदाजांचा चांगलाच समाचार घेतला. या दोघांनी तिसऱ्याविकेटसाठी १२६ धावांची भागीदारी केली. या दोघांमुळे RCB ने सामन्यात चांगलेच पुनरागमन केले होते, परंतु हे दोघं मागोमाग तंबूत परतले अन् RCBच्या अन्य फलंदाजांनी माती खाल्ली... दोनशेपार जाणारी धावसंख्या RRच्या गोलंदाजांनी अचूक मारा करून चांगलीच रोखली.
RRने नाणेफेक जिंकून प्रथम गोलंदाजी करण्याचा निर्णय घेतला. ट्रेंट बोल्टने त्याची परंपरा कायम राखताना पहिल्याच चेंडूवर विराट कोहली ( Virat Kohli) याला पायचीत केले. बोल्टची आयपीएलमधील ही शंभरावी विकेट ठरली. ( विराट कोहलीची विकेट पाहा ) कोहली २०१७ पासून २३ एप्रिलला तीनवेळा गोल्डन डकवर बाद झालाय.. २०१७ ला कोलकाताविरुद्ध, २०२२ ला हैदराबादविरुद्ध आणि आज राजस्थानविरुद्ध पहिल्याच चेंडूवर कोहलीची विकेट पडली. संदीप शर्माच्या दुसऱ्या षटकात RCB ने १० धावा चोपल्या. पण, तिसऱ्या षटकाच्या पहिल्या चेंडूवर बोल्टने आणखी एक धक्का दिला. शाहबाज अहमद ( २) झेलबाद झाला अन् RCB ला १२ धावांवर दुसरा धक्का बसला.
२०व्या षटकात दिनेश कार्तिकमुळे वनिंदू हसरंगा रन आऊट झाला. आयपीएलमध्ये कार्तिक ३९ रन आऊटचा भागीदारी ठरला. कार्तिक १६ धावांवर झेलबाद झाला. वैशाख विजयकुमारही गोल्डन डकवर माघारी परतला. संदीप शर्माची हॅटट्रिक पूर्ण झाली नाही. डेव्हिड विलीने चांगला चौकार मारला अन् RCBला ६ बाद १८९ धावांपर्यंत पोहोचवले. RCBला अखेरच्या पाच षटकांत ५ बाद ३३ धावाच कता आल्या.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"