तोपर्यंत खेळत राहीन, असे धोनी म्हणाला होता-मांजरेकर

दोन विश्वचषक जिंकून देणाऱ्या धोनीसोबत २०१७ ला भारतीय कर्णधार विराट कोहली याच्या लग्न समारंभात चर्चा झाली होती, असे मांजरेकरांनी सांगितले.

मुंबई : ‘जोपर्यंत संघातील सर्वांत वेगवान धावणाऱ्या खेळाडूला मागे टाकत राहीन तोपर्यंत आंतरराष्ट्रीय क्रिकेटसाठी स्वत:ला फिट समजेन,’ असे महेद्रसिंग धोनीने माझ्याशी बोलताना म्हटले होते,’ असा दावा समालोचक संजय मांजरेकर यांनी केला आहे. दोन विश्वचषक जिंकून देणाऱ्या धोनीसोबत २०१७ ला भारतीय कर्णधार विराट कोहली याच्या लग्न समारंभात चर्चा झाली होती, असे मांजरेकरांनी सांगितले.‘विराटच्या लग्नसोहळ्यात मी आणि धोनी बोलत होतो. ‘जोपर्यंत सर्वांत वेगवान खेळाडूला धावण्यात मागे टाकत राहीन तो पर्यंत स्वत:ला फिट समजून क्रिकेट खेळत राहीन,’ असे धोनी म्हणाला होता. आयपीएलसाठी धोनी सज्ज होत आहे. तो चांगली कामगिरी करेल, यात शंका नाही. निवडक गोलंदाजांविरुद्ध धोनीला सावध रहावे लागेल.’ (वृत्तसंस्था)