IPL 2024 GT vs MI Live Updates In Marathi | अहमदाबाद: मुंबई इंडियन्सने नाणेफेक जिंकून प्रथम गोलंदाजी करताना गुजरातला १६८ धावांत रोखले. मुंबईचा संघ प्रथमच हार्दिक पांड्याच्या नेतृत्वात खेळत आहे. विशेष बाब म्हणजे माजी कर्णधार रोहित शर्मा देखील संघाचा भाग आहे. क्षेत्ररक्षणादरम्यान अनेकदा रोहितने पांड्याला मार्गदर्शन केले. (Rohit Sharma) पण, फिल्ड सेट करताना हार्दिकने रोहितला सीमारेषेजवळ क्षेत्ररणासाठी पाठवले. वारंवार हिटमॅनची जागा बदलल्याने संतापलेल्या चाहत्यांना हार्दिकला ट्रोल करण्याची आयती संधी मिळाली. समालोचक सुरेश रैना आणि केव्हिन पीटरसन यांनी देखील यावरून फिरकी घेतली. (IPL 2023 News)
हार्दिक पांड्याचा एक व्हिडीओ सोशल मीडियावर चांगलाच व्हायरल होत आहे, ज्यामध्ये तो फिल्ड सेट करत असताना रोहितला सीमारेषेकडे पाठवतो. याचा दाखला देत रैनाने म्हटले की, आता हार्दिक पांड्या कर्णधार आहे, त्यामुळे रोहित शर्माला ऐकावेच लागेल.
हार्दिकचा आणखी एक व्हिडीओ समोर आला आहे, ज्यामध्ये पाहायला मिळते की, जसप्रीत बुमराह गोलंदाजी करत असताना प्रेक्षक 'रोहित रोहित'च्या घोषणा देत आहेत. यावरून समालोचक केव्हिन पीटरसन म्हणाला की, भारतात शेवटच्या वेळी भारतीय क्रिकेटपटूची बदनामी कधी झाली होती? मला माहिती देखील नाही. ही एक दुर्मिळ घटना आहे.
मुंबईचा संघ -हार्दिक पांड्या (कर्णधार), रोहित शर्मा, इशान किशन, नमन धीर, तिलक वर्मा, टीम डेव्हिड, शम्स मुलाणी, गेराल्ड कोएत्झी, पियुष चावला, जसप्रीत बुमराह आणि ल्यूक वुड.
गुजरातचा संघ -शुबमन गिल (कर्णधार), वृद्धीमान साहा, साई सुदर्शन, विजय शंकर, डेव्हिड मिलर, राहुल तेवतिया, अजमतुल्लाह उमरजई, राशिद खान, उमेश यादव, साई किशोर आणि स्पेंसर जॉन्सन.