IPL Auction 2021 : इंडियन प्रीमिअर लीगच्या १४व्या पर्वासाठीच्या लिलावाच्या पहिल्या टप्प्यात आश्चर्यचकीत करणारे धक्के बसले. पंजाब किंग्सनं ( KXIP) रिलीज केलेल्या ग्लेन मॅक्सवेल ( Glenn Maxwell) साठी चेन्नई सुपर किंग्स ( Chennai Super Kings) आणि रॉयल चॅलेंजर्स बंगळुरू ( Royal Challengers Bangalore) यांच्यात कडवी टक्कर पाहायला मिळाली. त्यात १४.२५ कोटींसह RCBनं बाजी मारली. त्यानंतर ख्रिस मारिस ( Chris Morris) याच्यासाठी मुंबई इंडियन्स ( MI), RR आणि KXIP यांच्यात रस्सीखेच रंगली. पण, राजस्थान रॉयल्सनं ( Rajasthan Royals) १६. २५ कोटी मोजून त्याला आपल्या ताफ्यात घेतले. ( Moeen Ali sold to Chennai Super Kings)
IPL Auction 2021 : ख्रिस मॉरिसनं इतिहास रचला, युवराज सिंगला मागे टाकून सर्वात महाग खेळाडू ठरला
चेन्नईला या लिलावात एकच परदेशी खेळाडू घ्यायचा होता आणि म्हणूनच ते मॅक्सवेल, मॉरिस यांच्यासाठी प्रयत्नशील होते. परंतु १९.९ कोटीच पर्समध्ये असल्यानं त्यांनी माघार घेतली. पण, त्यांनी ही जागा मोईन अलीला ( Moeen Ali) आपल्या चमूत घेत भरून काढली. इंग्लंड-भारत यांच्यातल्या चेन्नईत खेळवण्यात आलेल्या दुसऱ्या कसोटीत अलीनं ८ विकेट्स घेतल्या आणि १० चेंडूंत ५ खणखणीत षटकार खेचले. या विकेट्समध्ये त्यानं दोन्ही डावांत कर्णधार विराट कोहली ( Virat Kohli) याचा त्रिफळा उडवला. तेव्हाच CSKच्या फॅन्सनी लिलावात अली याला महेंद्रसिंग धोनीनं ( MS Dhoni) घ्यावं अशी चर्चा रंगली आणि चेन्नईनं त्याला ७ कोटींत आपल्या ताफ्यात घेतले. RCBनं त्याला रिलीज केलं होतं.
चेन्नई सुपर किंग्स ( Chennai Super Kings) -रिलीज खेळाडू : केदार जाधव, हरभजनसिंग, मुरली विजय, पीयूष चावला, मोनू कुमार, शेन वॉटसन;
रिटेन खेळाडू : एमएस धोनी, सुरेश रैना, केएम आसिफ, इमरान ताहिर, कर्ण शर्मा, मिशेल सैंटनर, आर. साई किशोर, लुंगी एनगिडी, रवींद्र जडेजा, नारायण जगदीशन, ऋतुराज गायकवाड़, जोश हेजलवुड, अंबाती रायडू, दीपक चाहर, फाफ डु प्लेसिस, शार्दूल ठाकुर, ड्वेन ब्राव्हो आणि सॅम कुरेन;
१९.९ कोटी शिल्लक - चेन्नईला ६ भारतीय खेळाडूंची जागा भरायची आहे.