गुवाहाटी - बंगळुरूविरुद्ध काल आयपीएल लढतीदरम्यान राजस्थान संघ वेगळ्या कारणावरून अडचणीत आला आहे. आयपीएलच्या मार्गदर्शक तत्त्वांनुसार, भ्रष्टाचार रोखण्यासाठी डगआउट व ड्रेसिंग रूमसह खेळाडू आणि सामना अधिकारी क्षेत्रात मोबाइल फोन आणि इलेक्ट्रॉनिक उपकरणांच्या वापरास सक्त मनाई आहे. पण, सोशल मीडियावर व्हायरल झालेल्या एका व्हिडीओमध्ये, वैभव सूर्यवंशीच्या शेजारी बसलेला सपोर्ट स्टाफचा सदस्य मोबाइल वापरताना दिसत आहे, ज्यामुळे सोशल मीडियावर खळबळाल उडाली.
बीसीसीआयच्या भ्रष्टाचारविरोधी संहितेचा स्पष्ट भंग केल्याप्रकरणी फ्रँचायझीवर मोठा दंड आकारला जाऊ शकतो. फोन सपोर्ट स्टाफने वापरल्यामुळे, बीसीसीआयला हे उल्लंघन किती गंभीर वाटते, यावर अवलंबून दंड आकारला जाऊ शकतो.
