Who Is Kartik Sharma 19 Year Old Wicket Keeper Batter Debut For CSK : आयपीएल २०२६ च्या हंगामातील सलामीच्या सामन्यात डॅडीज आर्मी यंगिस्तानच्या रुपात मैदानात उतरली आहे. यंदाच्या मोहिमेला सुरुवात करण्याआधी ऑयकॉन महेंद्रसिंह धोनीच्या रुपात चेन्नई सुपर किंग्सच्या संघाला मोठा धक्का बसला होता. दुखापतीमुळे धोनी सुरुवातीच्या काही सामन्यांना मुकणार आहे. त्याच्या जागी चेन्नई सुपर किंग्सच्या संघाने सलामीच्या सामन्यात १९ वर्षीय कार्तिक शर्माला पदार्पणाची संधी दिली.
'लोकमत'चं WhatsApp चॅनल फॉलो करा!
कोण आहे कार्तिक शर्मा?
कार्तिक शर्माचा जन्म २६ एप्रिल २००६ मध्ये राजस्थानच्या भरतपूर येथे झाला. युवा विकेट किपर बॅटरनं देशांतर्गत क्रिकेटमध्ये कमालीची कामगिरी करुन क्रिकेट जगताचे लक्ष आपल्याकडे वेधले. उजव्या हाताच्या विकेटकिपर बॅटरनं रणजी करंडक स्पर्धेतील पदार्पणाच्या सामन्यात उत्तराखंड विरुद्ध शतक झळकावले होते. कमी वयात या गड्याने मधल्या फळीतील भरवशाचा फलंदाज असल्याचे सिद्ध केले.
IPL 2026 : MS धोनीच्या निवृत्ती आधी CSK वर 'ही' वेळ येईल असे वाटत नव्हते, पण...
मिनी लिवात मेगा बोली! IPL च्या इतिहासातील सर्वात महागडा अनकॅप्ड खेळाडू
चेन्नई सुपर किंग्सच्या संघाने २०२५ मध्ये झालेल्या मिनी लिलावात या युवा खेळाडूसाठी १४.२० कोटींची बोली लावत आपल्या संघात घेतलं होते. आयपीएलच्या इतिहासातील तो संयुक्तरित्या सर्वात महागडा अनकॅप्ड खेळाडू आहे. याच प्राइज टॅगसह चेन्नई सुपर किंग्सच्या संघाने युवा गोलंदाज प्रशांत वीर यालाही आपल्या ताफ्यात सामील करून घेतले होते. तोही यंदाच्या हंगामात पदार्पण करेल, असे वाटत होते. कारण सलामीच्या लढतीत त्याला इम्पॅक्ट प्लेयरच्या रुपात ठेवण्यात आले होते. गोलंदाजीवेळी तोही पदार्पणाची संधी देण्याचा डाव CSK नं खेळला. पण विकेट्स लवकर पडल्यामुळे सरफराजला यलो जर्सीत पदार्पणाची संधी मिळाली.
१४.२० कोटींच्या युवा बॅटरवर भारी पडला ३० लाखांत पदार्पणाचा सामना खेळणारा गोलंदाज
राजस्थान रॉयल्स विरुद्धच्या सामन्यात चेन्नई सुपर किंग्सची अवस्था खूपच बिकट होती. अर्धा संघ तंबूत परतल्यावर कार्तिक शर्मा हा संघाकडून दुहेरी आकडा गाठणार पहिली फलंदाज ठरला. पण १८ धावांवर त्याच्या पदार्पणातील सामन्यातील खेळीला ब्रेक लागला. राजस्थान रॉयल्सच्या संघाकडून ३० लाख या मूळ प्राइज टॅगसह पदार्पणाचा सामना खेळणाऱ्या ब्रिजेश शर्मा याने १४.२० कोटींच्या गड्याची विकेट घेतली.
