IPL 2026 RCB vs CSK Anshul Kamboj bowled Tim David Showed Aggression But It Turned Out To Be A No Ball : बंगळुरुच्या एम. चिन्नास्वामी स्टेडियमवर रंगलेल्या सामन्यात चेन्नई सुपर किंग्सला एका नो बॉलची मोठी किंमत मोजावी लागली. १८ व्या षटकातील पाचव्या चेंडूवर अंशुल कंबोज याने आक्रमक फलंदाजी करण्याच्या मूडमध्ये असलेल्या टीम डेविड याला परफेक्ट यॉर्करव बोल्ड केले. पण ओव्हर स्टेप नो बॉलमुळे त्याला जीवनदान मिळाले अन् तो पेटून उठला. फ्री हिटवर षटकार मारल्यावर या षटकातील शेवटच्या चेंडूवर त्याने एक धाव काढत १९ व्या षटकात स्ट्राइक आपल्याकडे घेतले. उर्वरित १२ चेंडूत अधिकाधिक स्ट्राईक रेटवर राहून या पठ्ठ्यानं चेन्नईच्या गोलंदाजांची चांगलीच धुलाई केली. नो बॉलमुळे मिळालेल्या संधीचं सोन करताना टीम डेविडनं नाबाद ७० धावांची खेळी करत रॉयल चॅलेंजर्स बंगळुरुच्या धावफलकावर २५० धावा लावल्या.
'लोकमत'चं WhatsApp चॅनल फॉलो करा!
बोल्ड झाला तो नो बॉल पडला! मग टीम डेविडनं ५ षटकारांसह कुटल्या ४२ धावा अन्...
एबी डिव्हिलियर्सच्या विक्रमाची बरोबरी
चेन्नई विरुद्धच्या सामन्यात टीम डेविडनं ३ चौकार आणि ८ षटकारांच्या मदतीने फक्त २५ चेंडूत ७० धावांची नाबाद खेळी केली. यातील ४२ धावा या त्याने अखेरच्या १० चेंडूत काढल्या. ८ षटकारांसह त्याने आयपीएलमध्ये पाचव्या क्रमांकावर फलंदाजी करताना एका डावात सर्वाधिक षटकार मारणाऱ्या एबी डिविलियर्सची बरोबरी केली. २०१४ मध्ये एबी डिविलियर्सनं सनरायझर्स हैदराबादच्या संघाविरुद्ध ८ षटकार मारले होते. या यादीत युवराज सिंग अव्वलस्थानावर आहे. पाचव्या क्रमांकावर फलंदाजी करताना २०१४ च्या हंगामात युवीनं दिल्लीच्या संघाविरुद्ध ९ षटकार मारले होते.
Web Summary : Tim David's explosive 70 off 25 balls, aided by a crucial no-ball, propelled RCB to 250 against CSK. David equalled AB de Villiers' record of eight sixes while batting at number five.
Web Summary : टिम डेविड की 25 गेंदों में 70 रनों की तूफानी पारी, जिसमें एक नो-बॉल का अहम योगदान रहा, ने RCB को CSK के खिलाफ 250 रनों तक पहुंचाया। डेविड ने नंबर पांच पर बल्लेबाजी करते हुए एबी डिविलियर्स के आठ छक्कों के रिकॉर्ड की बराबरी की।