IPL 2024, KKR vs SRH Final Marathi Live : सनरायझर्स हैदराबादनेआयपीएल २०२४ फायनलमध्ये कोलकाता नाईट रायडर्ससमोर पूर्णपणे लोटांगण घातले. कर्णधार पॅट कमिन्स ( २४) हा SRH साठी सर्वाधिक धावा करणारा फलंदाज ठरला. मिचेल स्टार्क ( २-१४), हर्षित राणा ( २-२४) व आंद्रे रसेल ( ३-१९) यांच्या माऱ्यासमोर SRH चा पूर्ण संघ १८.३ षटकांत ११३ धावांत तंबूत परतला. हा सामना पाहण्यासाठी बॉलिवूड अभिनेत्री जान्हवी कपूर ( Janhvi Kapoor ) स्टेडियमवर उपस्थित होती आणि मिचेल स्टार्कने सोपा झेल सोडल्यावर तिची रिॲक्शन पाहण्यासारखी होती.
मिचेल स्टार्कने भेदक मारा करून KKR ला अपेक्षित सुरुवात करून दिली. वैभव अरोरा व हर्षित राणा यांनी त्याला सुरुवातीच्या षटकांत चांगली साथ दिली. त्यानंतर आंद्रे रसेलने २.३ षटकांत १९ धावा देताना ३ विकेट्स घेऊन हैदराबादचा डाव गुंडाळला. नवव्या क्रमांकावर आलेला कमिन्स व जयदेव उनाडकट ( ४) यांची २३ धावांची भागीदारी सुनील नरीनने तोडली. या सामन्यातील ही दुसरी सर्वोत्तम ( २६ धावा, नितीश रेड्डी व एडन मार्करम) भागीदारी ठरली. रसेलने डावातील तिसरी विकेट घेताना पॅट कमिन्सला २४ धावांवर माघारी पाठवले. हैदराबादचा संपूर्ण संघ १८.३ षटकांत ११३ धावांत तंबूत परतला.
Web Title: IPL 2024, KKR vs SRH Final Marathi Live : Janhvi Kapoor reaction when Mitchell Starc dropped an easy catch of Pat Cummins, Video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
