IPL 2023,Kolkata Knight Riders vs Gujarat Titans Live : रहमनुल्लाह गुरबाजच्या दमदार फटकेबाजी करूनही कोलकाता नाइट रायडर्सला मोठी धावसंख्या उभारता आली नाही. गुजरात टायटन्सच्या गोलंदाजांनी उत्तम कामगिरी करून KKR ला ७ बाद १७९ धावांवर रोखले. GT ने प्रत्युत्तरात दमदार सुरूवात केली. शुबमन गिलने चांगले फटके मारले. आद्रे रसेलने कोलकाताला पहिले यश मिळवून देताना वृद्धीमान साहाला माघारी पाठवून ४९ धावांवर पहिला धक्का दिला. पण, या सामन्यात चर्चा रंगली ती मिस्ट्री गर्लची...
एन जगदीशन व रहमनुल्लाह गुरबाज यांना अपेक्षित सुरुवात करता आली नाही. जगदीशन १९ धावांवर मोहम्मद शमीच्या गोलंदाजीवर पायचीत झाला. गुरबाजने अफगाणिस्तानचा सहकारी राशीद खान याला टार्गेट करताना खणखणीत फटके खेचले आणि २७ चेंडूंत अर्धशतक पूर्ण केले. kkr ने १०षटकांत २ बाद ८२ धावा केल्या आणि ११व्या षटकात वेंकटेश अय्यर ( ११) धावांवर पायचीत झाला... कोलकाताने drs गमावला. नितीश राणा आज अपयशी ठरला. रिंकू सिंगने फॉर्म कायम राखताना गुरबाजला चांगली टक्कर दिली. दमदार फलंदाजी करणाऱ्या गुरबाजला अफगाणिस्तानचाच गोलंदाज नूर अहमदने बाद केले. गुरबाजने ३९ चेंडूंत ५ चौकार व ७ षटकारांसह ८१ धावा केल्या.