IPL 2023, Royal Challengers Bangalore vs Punjab Kings Live : रॉयल चॅलेंजर्स बंगळुरू संघाने यजमान पंजाब किंग्सची हालत खराब केली होती. विराट कोहलीने ( Virat Kohli) दोन अचूक DRS घेतले, मोहम्मद सिराजने धक्के दिले अन् क्षेत्ररक्षणात भन्नाट रन आऊटही केला. त्यात फिरकीपटू वनिंदू हसरंगानेही प्रभावी कामगिरी केली. जितेश शर्मा व हरप्रीत ब्रार यांनी पंजाबसाठी खिंड लढवली, परंतु पुन्हा एकदा सिराजने मॅच फिरवली. त्याने १८व्या षटकात दोन विकेट्स घेऊन RCBचा विजय पक्का केला.
आश्चर्यच...! विराटच्या आक्रमकतेमुळे अम्पायरने बदलले दोन निर्णय; सिराजने केला भन्नाट रन आऊट, Video
मोहम्मद सिराजने पहिल्याच षटकात अथर्व तायडे ( ४) ला LBW केले. मॅथ्यू शॉर्ट ८ धावांवर त्रिफळाचीत झाला. लाएम लिव्हिंगस्टोनही (२) सिराजच्या गोलंदाजीवर LBW झाला. आश्चर्याची गोष्ट म्हणजे सिराजला मिळालेल्या दोन्ही विकेट हा DRS मुळे यशस्वी ठरल्या. गोलंदाजीतच नव्हे, तर सिराजने क्षेत्ररक्षणातही कमाल केली आणि हरप्रीत सिंगला ( १३) डायरेक्ट थ्रोवर रन आऊट केले. कर्णधार सॅम करन व प्रभसिमरन सिंग यांनी ३३ धावा जोडताना पंजाबचा डाव सावरण्याचा प्रयत्न केला. पण, करनला अतिआत्मविश्वास नडला. विजय कुमार वैशाच्या षटकात चौकार खेचल्यानंतर एक धाव घेण्याची घाई त्याने केली आणि तो आरामात पळताना दिसला. वनिंदूने अचूक थ्रो करून करनला ( १०) रन आऊट केला. पंजाबचा निम्मा संघ ७६ धावांत माघारी परतला.
तत्पूर्वी, मोहालीत फॅफ ड्यू प्लेसिस आणि विराट कोहली यांचे वादळ घोंगावले. या दोघांनी ९८ चेंडूंत १३७ धावांची भागीदारी केली आणि मोहालीवरील RCBकडून ही सर्वोत्तम भागीदारी ठरली. विराट ४७ चेंडूंत ५९ धावांवर बाद झाला. पुढच्याच चेंडूवर ग्लेन मॅक्सवेल ( गोल्डन डक) बाद झाला. फॅफ ५६ चेंडूंत ५ चौकार व ५ षटकार खेचून ८४ धावांवर बाद झाला. दिनेश कार्तिक ( ७) आजही फेल गेला. RCB ला ४ बाद १७४ धावांवर समाधान मानावे लागले.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"