IPL 2023, Lucknow Super Giants vs Royal Challengers Bangalore Live Marathi : इंडियन प्रीमिअर लीग २०२३ मध्ये आजचा सामना रटाळ झाला.. पावसामुळे आधीच खेळपट्टी ओलसर झाली होती आणि त्यामुळे फिरकीपटूंना चांगली साथ मिळाली. लखनौ सुपर जायंट्सच्या ( LSG) कर्णधार लोकेश राहुलला दुखापतीमुळे मैदान सोडावे लागले. कृणाल पांड्याच्या नेतृत्वाखाली LSG ने रॉयल चॅलेंजर्स बंगळुरूच्या ( RCB) धावांवर लगाम लागवी. कर्णधार फॅफ ड्यू प्लेसिसने एकट्याने RCBसाठी खिंड लढवली.
फॅफ ड्यू प्लेसिस RCBच्या कर्णधारपदी परतला अन् LSG विरुद्ध नाणेफेक जिंकून फलंदाजीचा निर्णय घेतला.विराट कोहली व फॅफ ड्यू प्लेसिस यांनी RCBला चांगली सुरुवात करून दिली होती. ९व्या षटकात रवी बिश्नोईने RCBला पहिला धक्का दिला. बिश्नोईच्या गुगलीवर विराट ( ३१) यष्टीचीत झाला. विराटने पहिल्या विकेटसाठी फॅफसह ६१ धावांची भागीदारी केली. अनूज रावत ( ९), ग्लेन मॅक्सवेल ( ४) आणि सूयश प्रभूदेसाई ( ६) हेही फिरकी गोलंदाजांसमोर अपयशी ठरले. सोळावे षटक सुरू असताना पावसामुळे काही काळ सामना थांबवावा लागला.
![]()
पुन्हा खेळ सुरू झाल्यानंतर दिनेश कार्तिकने काही चांगले फटके मारले, परंतु अमित मिश्राने LSGला मोठे यश मिळवून दिले. फॅफ ४० धावांवर कृणालच्या हाती झेलबाद झाला. कृणालने ( ४-०-२१-०), रवी बिश्नोईने ( ४-०-२१-२) व अमित मिश्राने ( ३-०-२१-२) अशी स्पेल टाकून RCBला दडपणात ठेवले होते. महिपाल लोम्रोरला ( ३) नवीन उल हकने LBW करून माघारी पाठवले. १९व्या षटकात दिनेश कार्तिक ( १६) रन आऊट झाला. शेवटच्या षटकात नवीन उल हकने सलग दोन धक्के दिले. RCB ने ९ बाद १२६ धावा केल्या. नवीन उल हकने ३० धावांत ३ विकेट्स घेतल्या.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"
Web Title: IPL 2023, LSG vs RCB Live Marathi : RCB post the total of 126/9 in 20 overs. What a bowling performance by LSG's bowlers. Naveen picked 3 wickets and Mishra and Bishnoi picked 2 wickets each.
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
