IPL 2023, Chennai Super Kings vs Rajasthan Royals Live : राजस्थान रॉयल्सचा सलामीवीर यशस्वी जैस्वाल आज अपयशी ठरला. पण, देवदत्त पडिक्कल आणि जॉस बटलर यांनी चेन्नई सुपर किंग्सच्या गोलंदाजांचा चांगला सामना केला. आर अश्विननेही चांगली फटकेबाजी केली. पडिक्कल व अश्विन या दोघांना मोईन अलीने स्लीपमध्ये झेल सोडून जीवदान दिले अन् तेच CSKला महागात पडले.
अजिंक्य रहाणे संघात असूनही MS Dhoniने दाखवला अविश्वास; घडले असे दोन प्रसंग, रवींद्र जडेजा संतापला
यशस्वी जैस्वालने ( १०) पहिल्या षटकात दोन सुरेख चौकार खेचले, परंतु तुषार देशपांडेचे दुसऱ्या षटकात त्याची विकेट घेतली. आज फलंदाजीला पॉवर प्लेच्या आत खेळण्याची संधी मिळालेल्या पडिक्कलचा झेल अलीने टाकला आणि त्यानंतर RR च्या फलंदाजाने अप्रतिम खेळ केला. पडिक्कल व बटलर यांनी ४१ चेंडूंत ७७ धावांची भागीदारी केली. पडिक्कल २६ चेंडूंत ५ चौकारांसह ३८ धावांवर झेलबाद झाला. रवींद्र जडेजाने पडिक्कलपाठोपाठ संजू सॅमसचा ( ०) त्रिफळा उडवला. पुढच्याच चेंडूवर अश्विनही बाद झाला असता, परंतु अलीने आणखी एक झेल सोडला. जडेजाने २१ धावांत २ विकेट्स घेतल्या.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"