IPL 2022, Royal Challengers Bangalore vs Lucknow Super Giants Live Updates : रॉयल चॅलेंजर्स बंगळुरूसाठी आजचा दिवस काही खास जातोय असे वाटत नाही. लखनौ सुपर जायंट्सविरुद्धच्या लढतीत पहिल्याच षटकात RCBचे दोन फलंदाज माघारी परतले आहेत. लोकेश राहुलने नाणेफेक जिंकून प्रथम गोलंदाजी करण्याचा निर्णय घेतल्यानंतर दुष्मंथा चमिराने पहिल्याच षटकात RCBला दोन दणके दिले. अनुज रावतने चौथ्या चेंडूवर चौकार खेचून चमिराला ठसन दिली, परंतु पुढच्याच चेंडूवर त्याची विकेट पडली. लोकेश राहुलने मिड ऑफला अफलातून झेल टिपला. त्यानंतर मैदानावर विराट कोहलीचे ( Virat Kohli) आगमन होताच स्टेडियमवर एकच जल्लोष झाला. पण, तो क्षणिक ठरला.
चमिराने टाकलेल्या शॉर्ट लेंथ चेंडूवर कोहलीने हलका फटका मारला, पंरतु दीपक हुडाने सहज झेल टिपला. २०१७नंतर आयपीएलमध्ये कोहली प्रथमच ( Golden Duck) शून्यावर बाद झाला. २००८ मध्ये आशिष नेहरा ( MI), २०१४मध्ये संदीप शर्मा ( PBKS) आणि २०१७मध्ये नॅथन कोल्टर नायल ( KKR) यांनी त्याला गोल्डन डकवर बाद केले होते.
त्यानंतर आलेल्या ग्लेन मॅक्सवेलने तिसऱ्या षटकात चमिराची धुलाई केली. फॅफ ड्यू प्लेसिसने हॅटट्रिक चेंडूवर चौकार खेचला अन् एक धाव करून मॅक्सवेलला स्ट्राईक दिली. त्यानंतर मॅक्सवेलने ४,४,६ अशी फटकेबाजी केली.
Web Title: IPL 2022, RCB vs LSG Live Updates : Dushmantha Chameera gets two in two, gets Anuj Rawat for just 4 in 5 balls, Brilliant catch by KL Rahul and Golden duck for Virat Kohli, Watch Video
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
