Chennai Super Kings vs Royal Challengers Bangalore Live : स्टार खेळाडूंचा भरणा असलेल्या रॉयल चॅलेंजर्स बंगलोर ( Royal Challengers Bangalore ) संघाला मागील लढतीतील पराभव विसरून आयपीएलमध्ये ( IPL 2021) आज चेन्नई सुपरकिंग्सविरुद्ध ( Chennai Super Kings) होणाऱ्या सामन्यात विजयी पथावर येण्याचे कडवे आव्हान असेल. गुणतक्त्यात CSK १२ गुणांसह दुसऱ्या, तर RCB १० गुणांसह तिसऱ्या क्रमांकावर आहे. चेन्नई सुपर किंग्सविरुद्ध झालेल्या २७ सामन्यांत RCBला फक्त ९ वेळा विजय मिळवता आला आहे, तर CSK नं १७ सामने जिंकलेत. १ सामना अनिर्णीत राहिलाय.
दुसरीकडे CSKचा युवा फलंदाज ऋतुराज गायकवाडने मुंबईविरुद्ध ५८ चेंडूत शानदार ८८ धावा ठोकल्या. फॅफ ड्यू प्लेसिस आणि मोईन अली यांना खाते उघडण्यात अपयश आले तर अंबाती रायडू जखमी होऊन परतला होता. अनुभवी धोनी आणि सुरेश रैना अपयशी ठरताच ४ बाद २४ अशा स्थितीतून ऋतुराजने रवींद्र जडेजा आणि ब्राव्हो यांच्या सोबतीने संघाला संकटातून बाहेर काढले. शाहजाह येथे वादळ आल्यामुळे नाणेफेक १० मिनिटे उशीरानं करावी लागेल असे वाटले होते, परंतु वादळ काही केल्या थांबत नाही. त्यामुळे आता ७.२५ वाजता खेळपट्टीची पाहणी केली जाईल.