कोलकाता, आयपीएल 2019 : चेन्नई सुपर किंग्सचा कर्णधार महेंद्रसिंग धोनीचे नो बॉल प्रकरण ताजे असताना शुक्रवारी पुन्हा एकदा सुमार पंचगिरी पाहायला मिळाली. कोलकाता नाइट रायडर्स व दिल्ली कॅपिटल्स यांच्यातील या सामन्यात आंद्रे रसेलने तीव्र नाराजी व्यक्त केली.
पाहा व्हिडीओ...
https://www.iplt20.com/video/168417
जो डेन्लीला पहिल्याच चेंडूवर इशांत शर्माने बाद करताना कोलकाताला पहिला धक्का दिला. सुरुवातीच्या धक्क्यानंतर रॉबीन उथप्पा व शुबमन गिल यांनी कोलकाताला सावरले. दोघांनी पॉवर प्लेमध्ये संघाला 1 बाद 41 असा समाधानकारक पल्ला गाठून दिला. मात्र, 9व्या षटकाच्या चौथ्या चेंडूवर उथप्पाला बाद करण्यात कागिसो रबाडाला यश मिळाले. त्याने टाकलेल्या बाउंसरवर फटका मारण्याच्या नादात उथप्पा यष्टिरक्षक रिषभ पंतच्या हातात झेल देत माघारी परतला. उथप्पाने 30 चेंडूंत 4 चौकार व 1 षटकार खेचून 30 धावा केल्या. दहा षटकांत कोलकाताने 2 बाद 72 धावा केल्या होत्या.