ठळक मुद्देकाही दिवसांपूर्वी या दोघांमध्ये विस्तवही जात नव्हता, अशी चर्चा होती. या गळाभेटीने या दोघांनीही या चर्चेला पूर्णविराम दिला आहे.
बंगळुरु : बुधवारी चेन्नई सुपर किंग्ज आणि रॉयल चॅलेंजर्स बंगळुरु एकमेकांसमोर आयपीएलच्या सामन्यासाठी उभे ठाकले आहेत. म्हणजेच भारताचा माजी कर्णधार महेंद्रसिंग धोनी आणि विद्यमान कर्णधार विराट कोहली एकमेकांविरोधात जिंकण्याच्या ईर्षेने मैदानात उतरणार होते. पण सामन्यापूर्वी हे दोघे जेव्हा मैदानात भेटले तेव्हा मात्र त्यांच्यामधली मैत्री साऱ्यांना पाहता आली.
सामन्यापूर्वी दोन्ही संघ मैदानात सराव करत होते. त्यावेळी सरावानंतर हे दोन्ही कर्णधार एकमेकांना भेटले. फक्त यावरच हे दोघे थांबले नाहीत तर त्यांनी गळाभेटही घेतली. काही दिवसांपूर्वी या दोघांमध्ये विस्तवही जात नव्हता, अशी चर्चा होती. या गळाभेटीने या दोघांनीही या चर्चेला पूर्णविराम दिला आहे.