इन्स्टावरील व्हिडिओ पाहून तिच्याकडे आकर्षित झाला होता स्टार क्रिकेटर; अन्...

इथं एक नजर टाकुयात त्यांच्या फुललेल्या प्रेमापासून ते घटस्फोटापर्यंत रंगणाऱ्या चर्चेपर्यंतची सविस्तर स्टोरी

Yuzvendra Chahal and Dhanashree Verma Delete All Pics Unfollow Each Other On Instagram :  भारतीय फिरकीपटू युजवेंद्र चहल आणि त्याची पत्नी आणि डान्स कोरियोग्राफर धनश्री वर्मा सध्या सोशल मीडियावर चर्चेत आहेत. दोघांच्यातील प्रेम आटलं अन् नातं तुटलं? ही गोष्ट चर्चेचा विषय  ठरताना दिसते. दोघांच्यात इतकं बिनसलं आहे की, त्यांनी विभक्त होण्याचा निर्णय घेतलाय, असा अंदाज सोशल मीडियावरील दोघांच्या अ‍ॅक्टिविटीमुळे वर्तवण्यात येत आहे. खरंच ही जोडी फुटणार का? याचं खरं उत्तर सध्याच्या घडीला फक्त त्या दोघांनाच माहिती असेल. पण तुम्हाला माहितीये का? त्यांच्या नात्यात मिठाचा खडा पडला ही चर्चा ज्या माध्यमामुळे चर्चेत आलीये तेच माध्यमामुळे ही जोडी जमली होती. इथं एक नजर टाकुयात त्यांच्या फुललेल्या प्रेमापासून ते घटस्फोटापर्यंत रंगणाऱ्या चर्चेसंदर्भातील खास स्टोरी

इन्स्टाग्रामवरील व्हिडिओ पाहून धनश्रीकडे आकर्षित झाला होता चहल

धनश्री वर्मा ही पेशाने डेंटिस्ट आणि यूट्युबर आहे. डान्स कोरियोग्राफरच्या रुपात ती अधिक लोकप्रिय झाली. इन्स्टाग्रामवरील तिचे डान्स व्हिडिओ पाहूनच क्रिकेटर युजवेंद्र चहल तिच्या संपर्कात आला होता. चहलनं एका मुलाखतीमध्ये आपली लव्ह स्टोरी कशी बहरली त्याचा खास किस्सा शेअर केला होता.   

दोन महिने फक्त अन् फक्त डान्स, मग वाजलं प्रेमाचं गाणं

लॉकडाउनच्या काळात सर्व ठप्प झाले असताना काहीतरी नवी कला अवगत करण्याच्या हेतून डान्स शिकण्याच्या इराद्याने धनश्री वर्माशी संपर्क साधला. धनश्रीनंही लगेच क्रिकेटसाठी ऑनलाइन डान्स क्लास सुरुही केला. जवळपास दोन महिने दोघांमध्ये डान्स या विषयापलिकडे कोणत्याच गोष्टीची चर्चा होत नव्हती. पण त्यानंतर चहलनं थेट धनश्रीला लग्नाचे प्रपोजल दिले. अन् दोघांच्या प्रेमाचं गाणं वाजलं. युजवेंद्र चहल आणि धनश्री वर्मा ही जोडी ११ डिसेंबर २०२० मध्ये लग्नबंधनात अडकली होती.

धनश्री वर्माला भावली होती त्याची ही गोष्ट

ऑनलाइन डान्स क्लास वेळी चहल फक्त अन् फक्त कामाच्या गोष्टीवर फोकस करायचा. तो मेहनती असल्याची गोष्टही धनश्रीला जाणवली. याशिवाय चहलनं थेट लग्नाची मागणी घातली. या गोष्टी भावल्यानेच धनश्रीनं त्याला होकार दिला होता. इन्स्टाग्रामच्या माध्यमातून ऑनलाईन भेट अन् त्यानंतर फुललेली प्रेम कहाणी आता वेगळ्या वळणावर पोहचल्याची चर्चा आहे. इन्स्टाग्रामवरील पोस्ट अन् अन्य काही गोष्टीमुळेच या दोघांच्यातील नाते संपल्याची चर्चा रंगू लागलीये.

भारतीय फिरकीपटू युजवेंद्र चहल (Yuzvendra Chahal) आणि सोशल मीडिया इन्फ्लुएन्सर धनश्री वर्मा (Dhanashree Verma) या दोघांच्या नात्यात दूरावा निर्माण झाल्याची चर्चा गेल्या काही दिवसांपासून रंगत आहे. दोघांनी सोशल मीडियावरील लोकप्रिय माध्यम असलेल्या इन्स्टाग्रामवरून एकमेकांना अनफॉलो केल्याचे दिसून येत आहे. एवढेच नाही तर चहलनं  आपल्या अधिकृत इन्स्टाग्राम अकाउंटवरून तिचे फोटोही डिलिट केल्याचे दितसेत या गोष्टीमुळे या दोघांच्यातील नातं तुटल्याची चर्चा आता जोर धरू लागली आहे. अधिकृतरित्या दोघांपैकी कुणीही यासंदर्भात भाष्य केलेले नाही.

२०२३ पासून स्वीट कपल नकारात्मक गोष्टींमुळे चर्चेत

युजवेंद्र चहल आणि धनश्री वर्मा यांच्या नात्यात दरी निर्माण झाल्याची गोष्ट याआधीही चर्चेचा विषय ठरली होती. त्यावेळीचं कारणही  सोशल मीडियावरील एक गोष्टच ठरली होती. २०२३ मध्ये धनश्री वर्मानं आपल्या इन्स्टाग्राम अकाउंटववरील आपल्या नावातून चहल हे नाव डिलिट केले होते. त्यानंतर नव्या आयुष्याला सुरुवात करतोय, अशा आशयाची  पोस्ट चहलनं शेअर केली होती. पण त्यानंतर ही जोडी एकमेकांपासून विभक्त होणार असल्याची चर्चा रंगली. पण पुन्हा ते एका फ्रेममध्ये दिसले. सोशल मीडियाच्या माध्यमातून दोघांनी नात्यासंदर्भातील पसरणाऱ्या गोष्टी अफवा असल्याची माहिती दिली होती.

टीम इंडियातून आउट, IPL मध्ये लागली लॉटली

युजवेंद्र चहल हा बऱ्याच दिवसांपासून टीम इंडियातून बाहेर आहे. तो टी २०  वर्ल्ड कप २०२४ साठी टीम इंडियाचा भाग होता. पण त्याला एकाही सामन्यात खेळण्याची संधी मिळाली नव्हती. जानेवारी २०२३ मध्ये त्याने टीम इंडियाकडून अखेरचा सामना खेळला आहे. तो संघाबाहेर असला तरी मेगा लिलावात पंजाब किंग्सच्या संघाने त्याच्यावर मोठी बोली लावल्याचे पाहायला मिळाले. १८ कोटी रुपयांसह प्रिती झिंटाच्या संघानं त्याला आपल्या ताफ्यात सामील करून घेतलं आहे.