ठळक मुद्देइंग्लंडने या संघात आदिल रशिदला कायम ठेवले आहे, त्याचबरोबर ख्रिस वोक्सलाही संधी देण्यात आली आहे.
लंडन, भारत विरुद्ध इंग्लंड : भारताविरुद्धच्या पाचव्या आणि अखेरच्या कसोटी सामन्यासाठी इंग्लंडने आपला 13 सदस्यीय संघ जाहीर केला आहे. इंग्लंडचा माजी कर्णधार अॅलिस्टर कुकचा हा अखेरचा सामना आहे. त्यामुळे इंग्लंडचा संघ कुकला विजयाने निरोप देण्यासाठी प्रयत्नशील असेल.
इंग्लंडने या संघात आदिल रशिदला कायम ठेवले आहे, त्याचबरोबर ख्रिस वोक्सलाही संधी देण्यात आली आहे. इंग्लंडने या संघात चार अष्टपैलू खेळाडूंना स्थान दिले आहे. या चौघांनाही जर इंग्लंडच्या संघाने खेळवले तर त्यांना भारताला पराभूत करता येऊ शकते.
