ओव्हल, भारत वि. इंग्लंड कसोटी: इंग्लंड कसोटी मालिकेत इभ्रत वाचवण्यासाठी प्रयत्नशील असलेल्या भारतीय संघाने पाचव्या कसोटीच्या पहिल्या दिवशी वर्चस्व गाजवले. भारतीय गोलंदाजांनी पुन्हा एकदा कौतुकास्पद कामगिरी केली. मात्र, पहिल्या दिवशी भारताचा सलामीवीर शिखर धवन भाव खाऊन गेला. संपूर्ण मालिकेत साजेशी कामगिरी करण्यात अपयशी ठरलेल्या धवनने खेळ सुरु असताना असे कृत्य केले की सोशल मीडियावर पुन्हा त्याचीच चर्चा रंगली.
ॲलिस्टर कूक (71) आणि मोईन अली ( 50) यांच्या उपयुक्त खेळीनंतरही इंग्लंडचे ७ फलंदाज अवघ्या १९८ धावांवर माघारी परतले. कारकिर्दीतील अखेरचा सामना खेळणाऱ्या कुकने साजेसा खेळ केला. जस्प्रीत बुमराने त्याला बाद केले आणि इंग्लंडच्या डावाची पडझड सुरू झाली. मजबूत स्थितीत असलेले यजमान बॅकफूटवर गेले. याचा आनंद धवनने वेगळ्या शैलीत साजरा केला.