India vs England 5th Test Live update ( Marathi News ) : रोहित शर्मा आणि शुबमन गिल यांच्या शतकांनंतर सर्फराज खान व देवदत्त पड्डिकल यांनी वादळी फटकेबाजी केली. या दोघांनी संघाला ४०० पार पोहोचवले. ३ बाद ३७६ वरून भारताचा डाव ८ बाद ४२८ धावा गडगडला होता, परंतु कुलदीप यादव व जसप्रीत बुमराह यांनी ९व्या विकेटसाठी दुसऱ्या दिवसाची १८ षटकं खेळून काढताना चांगला भारताला अडीचशेपार आघाडी मिळवून दिली.
शुबमन गिल तिसऱ्या क्रमांकावर खेळावे लागल्याने वडील नाराज; म्हणाले, हे योग्य नाही...
इंग्लंडचा पहिला डाव २१८ धावांवर गुंडाळल्यानंतर भारतीय फलंदाजांनी दमदार कामगिरी केली. भारताच्या आघाडीच्या ५ फलंदाजांनी ५० हून अधिक धावा चोपताना नवा विक्रम नोंदवला. २००९ ( वि. श्रीलंका) नंतर प्रथमच भारताच्या आघाडीच्या पाच फलंदाजांनी ५० हून अधिक धावा केल्या. यशस्वी ( ५७) बाद झाल्यानंतर रोहित शर्मा ( १०३) व शुबमन गिल ( ११०) यांनी वैयक्तिक अर्धशतक झळकावले आणि २४४ चेंडूंत १७१ धावांची भागीदारी केली. लंच ब्रेकनंतर बेन स्टोक्स व जेम्स अँडरसन यांनी दोघांना बाद केल्यानं भारत बॅकफूटवर जाईल असा अंदाज होता.
पण, सर्फराज खान व पदार्पणवीर देवदत्त पड्डिकल यांनी आक्रमक फटकेबाजी केली आणि १३२ चेंडूंत ९७ धावा जोडल्या. टी ब्रेकनंतर शोएब बशीरने भारताचे दोन्ही सेट फलंदाज माघारी पाठवले. सर्फराज ६० चेंडूंत ८ चौकार व १ षटकारासह ५६ धावांवर झेलबाद झाला, तर देवदत्त १०३ चेंडूंत १० चौकार व १ षटकारासह ६५ धावांवर त्रिफळाचीत झाला. ध्रुव जुरेल ( १५) मोठा फटका मारण्याच्या प्रयत्नात बशीरला विकेट देऊन बसला. टॉम हार्टलीने इंग्लंडला ७वे यश मिळवून देताना रवींद्र जडेजाला ( १५) पायचीत केले. त्याच षटकात आर अश्विनचा ( ०) त्रिफळा उडाला. कुलदीप ( २७ ) व जसप्रीत ( १९) यांनी दिवसअखेर चांगली झुंज दिली. भारताने ८ बाद ४७३ धावा केल्या असून २५५ धावांची आघाडी घेतली आहे.
Web Title: India vs England 5th Test Live update Stump Day 2 : Rohit Sharma ( 103), Shubman Gill ( 110), Yashasvi jaiswal ( 57), Devdutt Padikkal ( 65) & Sarfaraz Khan ( 56); India 473/8, take 255 runs lead
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
