कोलकाता : भारत विरुद्ध वेस्ट इंडिज यांच्यातील पहिला ट्वेंटी-20 सामना कोलकाता येथील इडन गार्डनवर खेळवण्यात येणार आहे. कर्णधार विराट कोहलीला विश्रांती देण्यात आल्याने नेतृत्वाची जबाबदारी रोहित शर्मा सांभाळणार आहे. त्याच्या नेतृत्वाखाली भारताने नुकताच आशिया चषक उंचावला. त्यामुळे ट्वेंटी-20 मालिकेतही त्याच्याकडून चषक पटकावण्याची अपेक्षा आहे. इडन गार्डन स्टेडियम आणि रोहित शर्मा यांच्यातील नातं तसं फार घट्ट आहे.
6 नोव्हेंबर 2013 मध्ये रोहितने भारताच्या कसोटी संघात पदार्पण केले, ते याच मैदानावरून. त्याने वेस्ट इंडिजविरुद्धच्या त्या कसोटीत 177 धावांची तुफानी खेळी करताना भारताचा एक डाव व 51 धावांनी विजय निश्चित केला. त्यात वन डे तील 264 धावांची सर्वोत्तम वैयक्तिक खेळीही याच मैदानावर केली आहे. त्याने 13 नोव्हेंबर 2014 मध्ये श्रीलंकेविरुद्धच्या वन डे सामन्यात 264 धावा चोपल्या होत्या.