India vs West Indies 1st T20I Live Updates : भारत-वेस्ट इंडिज ट्वेंटी-२० मालिकेतील पहिला सामना तीन तासांनी सुरू होणार आहे आणि भारतीय संघात मोठा बदल पाहायला मिळतोय. भारताचा उप कर्णधार लोकेश राहुल ( KL Rahul) याने या मालिकेतून माघार घेतली आहे. त्याच्या जागी निवड समितीने त्याच्या जागी संघात संजू सॅमसन ( Sanju Samson) ची निवड केली आहे. आधी जाहीर केलेल्या ट्वेंटी-२० संघात संजूचा समावेश नव्हता, परंतु लोकेशच्या माघारीमुळे हा निर्णय घेतला गेला. नुकत्याच पार पडलेल्या वन डे मालिकेत संजू संघाचा सदस्य होता. वेस्ट इंडिजने नाणेफेक जिंकून प्रथम गोलंदाजी करण्याचा निर्णय घेतला आहे.
वेस्ट इंडिजकडून आज अल्झारी जोसेफ पदार्पण करणार आहे. रोहित शर्माचे पुनरागमन होत असून रिषभ पंत व हार्दिक पांड्या हेही सीनियर खेळाडू विश्रांती नंतर परतले आहेत. रवींद्र जडेजा तंदुरुस्त झाला असून तोही आजच्या सामन्यात खेळणार आहे. रोहितसह रिषभ पंत सलामीला येणार आहे. त्याच्यानंतर श्रेयस अय्यर, सूर्यकुमार यादव, हार्दिक पांड्या, रवींद्र जडेजा, दिनेश कार्तिक, रवी बिश्नोई, भुवनेश्वर कुमार, आर अश्विन व अर्षदीप सिंग अशी क्रमवारी असेल. लोकेशच्या गैरहजेरीत हार्दिक पांड्याकडे उप कर्णधारपद सोपवले गेले आहे.