IND vs SL 2nd T20I Live : अर्शदीप सिंगची 'हॅट ट्रिक', पण नकोशी; ४ चेंडूंत दिल्या १४ धावा, हार्दिकचा चढला पारा | IND vs SL 2nd T20I Live : 3 consecutive No Balls by Arshdeep Singh, Hardik Pandya get Angry, he becomes the first Indian bowler to bowl hat-trick of no balls in the same over.

India vs Sri Lanka 2nd T20I Live : नाणेफेक जिंकून प्रथम फलंदाजी करण्याची आयती संधी सोडून कर्णधार हार्दिक पांड्याने गोलंदाजीचा निर्णय घेतला अन् सर्वांना आश्चर्याचा धक्का बसला. हार्दिकने पहिल्या षटकात केवळ ४ धावा दिल्या होत्या. पण, आज पुनरागमन करणाऱ्या अर्शदीप सिंगने ( Arshdeep Singh) नकोशी हॅटट्रिक नोंदवली अन् हार्दिकचा पारा चढला.

भारताने नाणेफेक जिंकून प्रथम गोलंदाजीचा निर्णय घेतला. राहुल त्रिपाठी आणि अर्शदीप सिंग आजच्या सामन्यात खेळणार आहेत आणि संजू सॅमसन व हर्षल पटेल यांना बाहेर बसावे लागले. संजूने दुखापतीमुळे मालिकेतूनच माघार घेतली आहे. संजूच्या जागी ऋतुराज गायकवाड व राहुल यांच्यात स्पर्धा होती. पण, हार्दिकने राहुलची निवड केली. राहुल आज पदार्पण करतोय. त्याने आयपीएलच्या ७४ डावांमध्ये २७.६६ च्या सरासरीने १७९८ धावा केल्या आहेत. भारताकडून ट्वेंटी-२०त पदार्पण करणारा राहुल त्रिपाठी हा तिसरा वयस्कर खेळाडू ठरला. राहुल द्रविडने ३८ वर्ष व २३२ दिवसांचा असताना इंग्लंडविरुद्ध २०११मध्ये ट्वेंटी-२०त पदार्पण केले होते. त्याआधी सचिन तेंडुलकरने ३३ वर्ष व २२१ दिवसांचा असताना २००६मध्ये दक्षिण आफ्रिकेविरुद्ध पहिला ट्वेंटी-२० सामना खेळला. आज राहुल त्रिपाठी ३१ वर्ष व ३०९ दिवसांचा असताना पदार्पण करतोय. श्रीनाथ अरविंदने ३१ वर्ष व १७७ दिवसांचा असताना दक्षिण आफ्रिकेविरुद्ध २०१५ मध्ये पदार्पण केले होते.

अर्शदीपने त्याच्या पहिल्या व सामन्याच्या दुसऱ्या षटकात सलग तीन नो बॉल टाकले आणि ट्वेंटी-२०त एकाच षटकात नो बॉलची हॅटट्रिक नोंदवणारा तो पहिला भारतीय गोलंदाज ठरला. त्याने दुसऱ्या षटकात १९ धावा दिल्या अन् हार्दिकचा पारा चढला. भारतीय संघ- हार्दिक पांड्या, शुभमन गिल, इशान किशन, सूर्यकुमार यादव, राहुल त्रिपाठी, दीपक हुडा, अक्षर पटेल, अर्शदीप सिंग, शिवम मावी, उम्रान मलिक, युझवेंद्र चहल

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"