India vs England Test Match Live : पावसाच्या विश्रांतीनंतर भारतीय फलंदाज चांगला खेळ करतील अशी अपेक्षा होती, परंतु मॅथ्यू पॉट्सने धक्के दिले. आधी हनुमा विहारीला LBW केल्यानंतर पॉट्सने विराट कोहलीची ( Virat Kohli) महत्त्वाची विकेट मिळवून दिली.
त्यानंतर पावसामुळे खेळ थांबवण्यात आला आणि तेव्हा भारताच्या २ बाद ५३ धावा झाल्या होत्या. पावसाच्या व्यत्यायानंतर सुरू झालेल्या डावात विराटने चौकाराने सुरुवात केली. जीवदान मिळाल्यामुले विहारी सावध खेळत होता. पण, २३व्या षटकात मॅथ्यू पॉट्सने भारताला धक्का दिला, विहारी ( २०) पायचीत झाला. त्यापुढील षटकात पॉट्सने भारताला मोठा धक्का दिला. २५व्या षटकाच्या दुसरा चेंडू खेळावा की सोडावा या संभ्रामवस्थेत विराट गेला. तो बॅट मागे घेणार त्याआधीच चेंडू बॅटवर आदळून यष्टींवर आदळला... विराट १९ चेंडूंत ११ धावांवर बाद झाला आणि भारताला ७१ धावांवर चौथा धक्का बसला.