IND vs ENG 2nd Test Live Scorecard ( Marathi News) - भारतीय संघाने दुसऱ्या कसोटीत नाणेफेक जिंकून प्रथम फलंदाजीचा निर्णय घेतला आहे. भारतीय संघ आज ३ बदलांसह मैदानावर उतरला आहे. रवींद्र जडेजा आणि केएल राहुल हे दोन बदल आहेत. मोहम्मद सिराजला विश्रांती देण्यात आली आहे. आजच्या सामन्यात मुकेश कुमार, कुलदीप यादव आणि रजत पाटीदार खेळणार आहेत. रोहित शर्मा व यशस्वी जैस्वाल यांनी सावध सुरुवात केली. इंग्लंडकडून फिरकीपटूंचा मारा सुरू झाला. २० वर्षीय गोलंदाज शोएब बशीर याने कमाल करून दाखवली.
मोहम्मद सिराजला अचानक रिलीज करण्याचा घेतला निर्णय; BCCI ने सांगितलं महत्त्वाचं कारण
२०१७ नंतर मालिकेतील पहिली कसोटी गमावल्यानंतर भारतीय संघाने ३ वेळा पुनरागमन केले आहे, तर ३ वेळा मालिका गमावली आहे आणि एक मालिका बरोबरीत सोडवली आहे. रोहित शर्मा व यशस्वी जैस्वाल यांनी सावध सुरुवात केली. इंग्लंडने पहिल्या १२ षटकांत ३ फिरकीपटूंना गोलंदाजीला आणले. २० वर्षीय शोएब बशीर याच्या पदार्पणाची फार चर्चा रंगलेली आणि तो काय करू शकतो हे त्याने दाखवून दिले. भारताचा कर्णधार रोहित शर्मा ( १४) याला त्याने डाव्या स्लिपमध्ये ऑली पोपच्या हाती झेल देण्यास भाग पाडले. भारताला १७.३ षटकांत ४० धावांवर पहिला धक्का बसला.