लंडन, आयसीसी वर्ल्ड कप 2019 : आज-उद्या करता करता अखेर वर्ल्ड कप स्पर्धा सुरू झाली. यजमान इंग्लंडने धडाक्यात सुरुवात करताना दक्षिण आफ्रिकेवर 104 धावांनी मात करून विजयी सलामी दिली. इंग्लंडच्या खेळाडूंनी तीनही आघाड्यांवर साजेशी कामगिरी करताना आफ्रिकेचा संपूर्ण संघ 207 धावांत गुंडाळला. इंग्लंडने 311 धावांचा डोंगर उभा केला होता. पण, या सामन्यात मैदानाबाहेर एक नाव चर्चेत होत आणि ते म्हणजे मास्टर ब्लास्टर सचिन तेंडुलकर याचं.
या सामन्यातून तेंडुलकरने नव्या इनिंगला सुरुवात केली. तेंडुलकर प्रथमच समालोचकाच्या भूमिकेत दिसला आणि त्याने तेथेही आपली जादू दाखवली. समालोचकाच्या रूममध्ये तेंडुलकरसह वीरेंद्र सेहवाग आणि सौरव गांगुली यांना पाहून नेटिझन्स भलतेच आनंदी झाले. या त्रिकुटाच्या एकत्र येण्याने 15 वर्षांपूर्वीचा एक किस्सा जीवंत झाला. सेहवागने सोशल मीडियावर त्या प्रसंगाला जीवंत केले.
पाहा व्हिडीओ...