लंडन, आयसीसी वर्ल्ड कप 2019 : पाकिस्तान संघाला नमवल्यानंतर भारतीय संघाला वर्ल्ड कप स्पर्धेतून थोडी विश्रांती घेण्याचा वेळ मिळाला आहे. भारतीय संघाचा पुढील मुकाबला 22 जूनला अफगाणिस्तानशी होणार आहे. याच सामन्यात टीम इंडियाला चिअर करण्यासाठी अनुष्का शर्मा लंडनला पोहोचली आहे. कर्णधार विराट कोहलीसह अनुष्का लंडनमध्ये फिरताना दिसली. सोशल मीडियावर विरुष्काचा फोटो व्हायरल झाला आहे. विराट कोहलीच्या चाहत्यानं तो फोटो पोस्ट केला, यात अनुष्का नव्या हेअरकटमध्ये दिसत आहे.
बीसीसीआयच्या नियमानुसार वर्ल्ड कप स्पर्धेच्या पहिल्या 20 दिवसांनंतर खेळाडूंना त्यांच्या पत्नींना बोलवण्याची मुभा दिली होती. शिखर धवननेही सोशल मीडियावर त्याच्या पत्नीसोबतचा, तर रोहित शर्मानेही रितिका सजदेहसोबतचा फोटो पोस्ट केला होता.