ICC ODI World Cup India vs Australia Live Marathi : भारतीय संघाने वन डे वर्ल्ड कप स्पर्धेत दणक्यात सुरुवात केली. ऑस्ट्रेलियाला तिसऱ्याच षटकात धक्का देताना भारताने मोठी विकेट मिळवली. विराट कोहलीने स्लीपमध्ये भन्नाट झेल घेतला आणि एक विक्रमही नावावर नोंदवला. ( IND vs AUS Live Scoreboard )
वन डे वर्ल्ड कप संघाच्या भारताच्या मोहिमेला आजपासून सुरुवात झाली. भारत-ऑस्ट्रेलिया यांच्यात चेन्नईत सामना खेळला जातोय आणि ऑस्ट्रेलियाने नाणेफेक जिंकून प्रथम फलंदाजीचा निर्णय घेतला आहे. शुबमन गिल डेंग्यु झाल्यामुळे आजच्या सामन्याला मुकला आहे आणि इशान किशनला संधी मिळालीय. भारतीय संघ आर अश्विन, रवींद्र जडेजा आणि कुलदीप यादव या तीन फिरकीपटूंसह मैदानावर उतरला आहे. पहिली दोन षटकं सावध खेळ करणाऱ्या ऑस्ट्रेलियाला तिसऱ्या षटकात जसप्रीत बुमराहने धक्का दिला. मिचेल मार्शचा ( ०) भन्नाट झेल विराट कोहलीने पहिल्या स्लीपमध्ये घेतला.
वन डे वर्ल्ड कप स्पर्धेत भारताकडून सर्वाधिक १५ झेल घेणाऱ्या खेळाडूचा ( यष्टिरक्षक सोडून) विक्रम विराटने नावावर केला. त्याने अनिल कुंबळेचा १४ झेलचा विक्रम मोडला.
ऑस्ट्रेलिया संघ - डेव्हिड वॉर्नर, मिचेल मार्श, स्टीव्ह स्मिथ, मार्नस लाबुशेन, ग्लेन मॅक्सवेल, अॅलेक्स केरी, कॅमेरून ग्रीन, पॅट कमिन्स, मिचेल स्टार्क, अॅडम झम्पा, जोश हेझलवूड