ठळक मुद्देहेराथने 98 धावांमध्ये दक्षिण आफ्रिकेच्या सहा फलंदाजांना माघारी धाडले आणि त्यामुळे श्रीलंकेला सहज विजय मिळवता आला.
कोलंबो : फिरकीपटू रंगना हेराथने मिळवलेल्या बळीषटकाराच्या बळावर श्रीलंकेने दक्षिण आफ्रिकेवर 199 धावांनी दमदार विजय मिळवला. या विजयासह श्रीलंकेने दोन कसोटी सामन्यांची मालिका 2-0 अशी खिशात टाकली आहे.
श्रीलंकेने दक्षिण आफ्रिकेला विजयासाठी 480 धावांचे आव्हान दिले होते. या आव्हानाचा पाठलाग करताना दक्षिण आफ्रिकेचा दुसरा डाव 290 धावांवर संपुष्टात आला. हेराथने यावेळी श्रीलंकेच्या विजयात मोलाचा वाटा उचलला. हेराथने 98 धावांमध्ये दक्षिण आफ्रिकेच्या सहा फलंदाजांना माघारी धाडले आणि त्यामुळे श्रीलंकेला सहज विजय मिळवता आला.