Join us

Danish Malewar Double Century : विदर्भकराची कमाल; पदार्पणाच्या सामन्यात द्विशतकासह रचला इतिहास

फक्त १६ डावात प्रथम श्रेणी क्रिकेटमध्ये १००० धावांचा टप्पा गाठणाऱ्या युवा खेळाडूंच्या क्लबमध्येही

By ऑनलाइन लोकमत | Updated: August 29, 2025 10:51 IST

Open in App

Danish Malewar Double Century Duleep Trophy 2025 : दुलीप करंडक स्पर्धेतील मध्य विभाग संघाकडून पदार्पणात दानिश मालेवारने इतिहास रचला आहे. तो स्पर्धेत पदार्पणात द्विशतकी डाव साधणारा पहिला विदर्भकर ठरला आहे. बंगळुरूच्या मैदानात सुरु असलेल्या ईशान्य विभाग विरुद्धच्या पहिल्या सामन्यातील दुसऱ्या दिवशी त्याने द्विशतक साजरे केले. याआधी पदार्पणात शतकी खेळीचा विक्रम प्रस्थापित केल्यावर त्याने द्विशतकी डाव साधला आहे.  २२० चेंडूत ३६ चौकार आणि एका षटकाराच्या मदतीने त्याने  २०० धावा पूर्ण केल्या. विक्रमी डाव साधल्यावर दानिश मालेवार २०३ धावांवर रिटायर्ड हर्ट झाला. या खेळीसह सर्वात जलद म्हणजे फक्त १६ डावात प्रथम श्रेणी क्रिकेटमध्ये १००० धावांचा टप्पा गाठणाऱ्या युवा खेळाडूंच्या क्लबमध्येही त्याचा समावेश झाला आहे.

 'लोकमत'चं WhatsApp चॅनल फॉलो करा! 

टॅग्स :बीसीसीआय