मुंबई - भारताचा प्रमुख गोलंदाज भुवनेश्वर कुमार पूर्णपणे तंदुरुस्त झाला असल्याची माहिती BCCIने दिली. त्याच्या कंबरेला दुखापत झाली होती आणि त्यामुळे इंग्लंडविरूद्धच्या कसोटी मालिकेला मुकावे लागले होते. पण आता तंदुरुस्त झालेल्या भुवनेश्वरची भारताच्या अ संघात निवड करण्यात आली असून तो संघासोबत दक्षिण आफ्रिका अ संघाविरुद्धच्या मालिकेत खेळणार आहे.
२८ वर्षीय भुवनेश्वरने कंबरेच्या दुखापतीमुळे इंग्लंड मालिकेतून माघार घेतली होती. इंग्लंडविरुद्धच्या वन डे मालिकेत त्याला हा त्रास जाणवला होता. त्यानंतर तो बंगळूरू येथील नॅशनल क्रिकेट अकादमीत तंदुरुस्त होण्यासाठी मेहनत घेत होता. आगामी आशिया चषक स्पर्धेत भारतीय संघात कमबॅक करण्याचे लक्ष्य भुवनेश्वरने ठेवले आहे.