मुंबई : माजी फिरकी गोलंदाज अनिल कुंबळे याने भारताला अनेक अविस्मरणीय विजय मिळवून दिले. दुखापत झालेल्या जबड्याला पट्टी बांधून मैदानात गोलंदाजी करणारा, पाकिस्तानचा संपूर्ण संघ तंबूत पाठवणारा कुंबळे अजूनही डोळ्यासमोर चटकन उभा राहतो. कुंबळेची लोकप्रियता अजूनही कायम आहे. म्हणून त्याच्याशी संवाद साधण्यासाठी चाहते कायम आतुर असतात. अशाच एक प्रसंग फ्लाईटमध्ये घडला. कुंबळेने दिलेल्या 'त्या' एका रिप्लायने जिंकली लाखो मनं जिंकली.
कुंबळे ज्या फ्लाईटने प्रवास करत होता त्याच फ्लाईटमधील एका महिला प्रवासीने एक ट्विट केले. तिने लिहिले की,''मी प्रवास करत असलेल्या फ्लाईटमध्ये कुंबळेही आहेत. पण एवढ्या मोठ्या खेळाडूशी बोलावे कसे याची मला भिती वाटते.''